बिग बॉस फेम मनिषा रानी नेहमीच चर्चेत असते. आता मात्र झलक दिख ला जा या रिएॅलिटी शो ची ट्रॉफी आपल्या नावावर करत मनिषा रानी प्रसिद्धीच्या शिखरावर पोहोचली आहे. मनीषा राणी, शोएब इब्राहिम, अद्रिजा सिन्हा, श्रीराम चंद्र आणि धनश्री वर्मा यांच्यासह 5 स्पर्धकांनी महाअंतिम फेरीत चमकदार कामगिरी केली आणि प्रेक्षकांवर कायमची छाप सोडली. पण मनीषा राणीने शोएब इब्राहिम आणि अद्रिजा सिन्हा यांना मागे टाकत ट्रॉफी आपल्या नावावर केली आहे.
शो जिंकल्यानंतर तिने हा विजय आपल्या चाहत्यांना समर्पित केला आहे. ती म्हणाली की- मी जे नेहमीच म्हणते, आजही तेच म्हणते, मला माझ्या वडीलांपेक्षा जास्त चाहत्यांवर विश्वास आहे. त्यांनीच हा विजय माझ्या नावावर केला आहे. त्यामुळे हे यश मी चाहत्यांना, प्रेक्षकांना समर्पित करते.
मनीषाचा कोरिओग्राफर आशुतोष पवार भावूक झाल्याचे पाहायला मिळाले. तो म्हणाला की आम्ही सीझनचे विजेता आहोत यावर विश्वास बसत नाही. तो सहाय्यक नृत्यदिग्दर्शक बनून इथपर्यंत पोहोचू शकला तर ही ट्रॉफी देखील हे जिंकू शकतो. मनीषा राणीचा बिनधास्त स्वभाव आणि किलर डान्स मूव्ह्सने तिला इतर स्पर्धकांपेक्षा वेगळे केले.
अत्यंत कमी काळात तिने अनेकांची मने जिंकली आहेत. महत्वाचे म्हणजे, तिने फक्त चाहत्यांची मन जिंकले नाही तर लायका अरोरा, फराह खान आणि अर्शद वारसी या जज म्हणून काम पाहणाऱ्या कलाकारांचे मनदेखील जिंकले आहे.
ग्रँड फिनालेमध्ये सारा अली खान, विजय वर्मा आणि हुमा कुरेशी यांसारख्या प्रसिद्ध बॉलिवूड स्टार्सनी हजेरी लावल्याचे पाहायला मिळाले. आता मनिषा रानीच्या या यशानंतर तिचे चाहते तिच्यावर प्रचंड खूष असल्याचे पाहायला मिळत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.