अजय देवगण (Ajay Devgn), सिद्धार्थ मल्होत्रा (Sidharth Malhotra) ​​आणि रकुल प्रीत सिंग (Rakul Preet Singh) स्टारर 'थँक गॉड' (Thank God) या चित्रपटातील 'मनिके' (Manike Song) हे गाणे प्रदर्शित झाले आहे. खूप दिवसांपासून या गाण्याची चर्चा होती आणि आता हे गाणे सर्वांसमोर आले आहे. नोरा फतेह (Nora Fatehi) डान्ससाठी प्रसिद्ध आहे. नोरा आणि सिद्धार्थ मल्होत्रा यांची जोडी 'मनिके' गाण्यात धिरकताना दिसत आहे. या गाण्यात दोघांची केमिस्ट्री अप्रतिम दिसत आहे.

नोरा फतेही पुन्हा एकदा 'मनिके' गाण्यात दिसणार आहे. नोरा या गाण्यात खूप बोल्ड दिसत असून, सिद्धार्थही खूपच हँडसम दिसत आहे. योहानी, जुबिन नौटियाल आणि सूर्या रगुनाथानी यांनी या गाण्याला आवाज दिला आहे. संगीत तनिष्क बागची यांचे आहे. या चित्रपटाच्या ट्रेलरला प्रेक्षकांचा चांगला प्रतिसाद मिळत असतानाच हे गाणेही खूप पसंत केले जात आहे.

नोरा फतेहने याआधीही अनेक चित्रपटांमध्ये आयटम नंबर केले आहेत आणि ती गाणी प्रेक्षकांना खूप आवडली आहेत. नोराचा ग्लॅमरस लूक आणि तिच्या डान्सची देशातच नाही तर परदेशातही चर्चा आहे. या गाण्यानंतर नोरा पुन्हा एकदा चर्चेत आली आहे. चित्रपटातील नोराचे हे गाणे पाहण्यासाठी चाहत्यांना चांगलीच उत्सुकता लागली आहे.