Actor C V Dev Death: दाक्षिणात्य अभिनेते CV देव यांचे वयाच्या 83 व्या वर्षी निधन झाले आहे.  निधनाच्या बातमीमुळे सर्व चाहत्यांध्ये शोककळा पसरली आहे. सोशल मीडियावर लोक अभिनेत्याच्या निधनाबद्दल शोक व्यक्त करत आहेत. अभिनेता सीव्ही देव यांनी 100 हून अधिक चित्रपट आणि अनेक नाटकांमध्ये काम केले होते. त्यांच्या जाण्याने मल्याळम इंडस्ट्रीला मोठा धक्का बसला आहे.

अभिनेता सीव्ही देव यांनी सोमवारी अखेरचा श्वास घेतला. ते 83 वर्षांचे होते. कौटुंबिक सूत्रांनी दिलेल्या माहितीनुसार ते गेल्या काही दिवसांपासून वयोमानानुसार आजारी होते. नुकतीच त्यांची प्रकृती खालावली आणि त्यांना रुग्णालयात दाखल करण्यात आले, तेथे त्यांनी अखेरचा श्वास घेतला.

• मुख्यमंत्र्यांनीही व्यक्त केला शोक

मुख्यमंत्री पिनाराई विजयन यांनी त्यांच्या निधनावर शोक व्यक्त केला आहे. त्यांनी 'साध्याम', 'ई पुझायुम कदन्नू', 'मिझी रांडीलम', 'चंद्रोलसवम' या चित्रपटांमध्ये उत्तम भूमिका साकारले असून प्रसिद्ध झाले आहेत.

• अनेक दशकांपासून इंडस्ट्रीत काम करत आहे

मीडिया रिपोर्ट्सनुसार, सीव्ही देव हृदयविकाराशी झुंज देत होते. त्याच्यावर कोझिकोड मेडिकल कॉलेज हॉस्पिटलमध्ये उपचार सुरू होते. या अभिनेत्याचा जन्म 1940 मध्ये चमारथूर येथे झाला. 1959 मध्ये त्यांनी आपल्या कारकिर्दीला सुरुवात केली. गेल्या अनेक दशकांपासून ते इंडस्ट्रीत सक्रिय होते.