बॉलीवुडमधील प्रसिद्ध अभिनेत्री मलायका अरोराच्या (Malaika Arora) गाडीचा 2 एप्रिल रोजी अपघात झाला होता. ज्यात ती जखमी झाली होती. तिला तातडीने रुग्णालयात नेण्यात आले होते. रुग्णालयातून घरी पोहोचल्यावर अनेक कलाकारांनी मलायका अरोराच्या तब्येतीची विचारपूस केली होती. यामध्ये करीना कपूरपासून ते अर्जुन कपूरपर्यंतच्या कलाकारांचा समावेश होता. तिने काही तासांपूर्वीच पहिल्यांदाच तिच्या अपघातावर प्रतिक्रिया दिली आहे.

मलायकाने इन्स्टाग्राम (Instagram) अकाऊंटवर फोटो शेअर करत लिहिले आहे की, "गेले काही दिवस आणि काही घटना खूप अविश्वसनीय होत्या. या गोष्टींबद्दल विचार केल्यास असे वाटते की हा अपघात एका चित्रपटातील सीन्सप्रमाणे होता. ज्या लोकांनी कठीण काळात मदत केली त्यांचे मी आभार मानते."मलायकाच्या (Malaika Arora) या पोस्टवर अनेक सेलिब्रिटींनी कमेंट करत तिला लवकर बरे होण्यासाठी शुभेच्छा दिल्या आहेत.

* बॉलीवुड कलाकरांची कमेंट

ट्विंकल खन्नाने (Twinkle Khanna) मलायकाच्या पोस्टवर लिहिले- 'लवकर बरे व्हा.' करिश्मा कपूरने हार्ट आणि स्मायलीचा इमोजी बनवला आहे. करीना कपूरने स्ट्राँगचे इमोजी पोस्ट केले. त्याच्याशिवाय गौहर खान, सोफी चौधरी आणि संजय कपूर यांच्यासह इतर कलाकारांनी लवकर बरे होण्यासाठी प्रार्थना केली.