दिग्गज गायिका लता मंगेशकर (Lata Mangeshkar) आता आपल्यात नाहीत. त्या संगित क्षेत्रातील अनेकांसाठी एक प्रेरणादायी व्यक्तीमत्व होत्या. मंगेशकर कुटुंब मुळचे गोव्याचे (Goa) पण लता दिदी कधीच गोव्याला गेल्या नाहीत. गायिका लता मंगेशकर यांचे आज वयाच्या 92व्या वर्षी निधन झाले. त्यांचा संगीत प्रवास खूप रंजक होता. त्यांचे वडील दीनानाथ मंगेशकर हे मराठी आणि कोकणी संगीतकार होते. (Veteran singer Lata Mangeshkar Goa connection)

गोवा राज्याने अनेक दिग्गज कलाकार तयार केले, पण मंगेशकर कुटुंबाला तितकीशी संधी गोव्यात मिळाली नाही. त्यामुळेच कदाचित मंगेशकर कुटुंब गोव्यातून पडले असावे, असे प्रतिपादन गोव्याचे माजी मुख्यमंत्री मनोहर पर्रिकर (Manohar Parrikar) यांनी केले होते. ते गोवा माहिती तंत्रज्ञान दिवसाचे उदघाटन प्रसंगी बोलत होते.

'गोव्यामध्ये अफाट विद्वत्ता, कला, शास्त्र, संरक्षण दल असे कुठलेही क्षेत्र असो, गोव्यासारख्या छोट्या राज्याने अनेक विद्वान घडवले. मात्र संधी उपलब्ध असत्या, तर आज मंगेशकर कुटुंब गोव्यामध्ये दिसले असते. संधी नसल्यामुळे ते गोव्याबाहेर पडले,' असे उद्गार तत्कालिन गोव्याचे मुख्यमंत्री मनोहर पर्रिकर यांनी काढले होते. (Lata Mangeshkar family moved out of Goa due to lack of opportunities)

प्रसिध्द गायिका लता मंगेशकर यांचे आज सकाळी निधन झाले आहे. त्यांच्या निधनामुळे गोवा राज्य सरकारने आजपासून 3 दिवसांचा दुखवटा जाहीर केला आहे. केंद्र सरकारने देखील 2 दिवसांचा राष्ट्रीय दुखवटा जाहीर केला आहे. आज सायंकाळी सरकारी इतमामात अंत्यसंस्कार करण्यात येणार आहेत.