बॉलिवूडमधील प्रसिद्ध दिग्दर्शक आणि निर्माता करण जोहर (Karan Johar) त्याच्या चित्रपटांमुळे नेहमीच सोशल मिडियावर चर्चेत असतो. 'कॉफी विथ करण' (Koffee with Karan) करणच्या या 'शो'ला प्रेक्षकांची पसंती मिळते. या कार्यक्रमामध्ये अनेक सेलिब्रिटी त्यांच्या वैयक्तिक आयुष्याबद्दल सांगतात. आमिर खान (Aamir Khan) , शाहरूख खान (Shah Rukh Khan) , अमिताभ बच्चन (Amitabh Bachchan) आणि सलमान खान (Salman Khan) यांसारख्या प्रसिद्ध कलाकारांनी या शोमध्ये आपले किस्से सांगितले आहेत. आता या शोबद्दल करणनं मोठा निर्णय घेतला आहे. त्याने सोशल मीडियावर एक पोस्ट शेअर केली आहे. जी सोशल मीडियावर व्हायरल होत आहे. (Koffee with Karan news)

करण जोहरच्या कॉफी विथ करणच्या (Koffee with Karan) सहा सीझनने प्रेक्षकांचे प्रचंड मनोरंजन केले. पण आता हा शो प्रेक्षकांच्या भेटीस येणार नाही. करणने याबाबत सोशल मीडियावर पोस्ट शेअर करत माहिती दिली आहे. करणनं पोस्टमध्ये लिहिलं, 'हॅलो, कॉफी विथ करण हा शो माझ्या आयुष्यातील एक महत्वाचा भाग होता. मला वाटतं की आम्ही पॉप संस्कृतीमध्ये प्रभाव पाडला. मला हे सांगताना अतिशय दु:ख होत आहे की 'कॉफी विथ करण' हा शो पुन्हा प्रेक्षरकांच्या भेटीस येणार नाही. ' या पोस्टला करणनं 'महत्वाची घोषणा' असं कॅप्शन दिले आहे.

करण जोहरने (Karan Johar) शेअर केलेल्या पोस्टवर अनेक नेटकऱ्यांनी कमेंटचा वर्षाव केला आहे. तसेच काही सेलिब्रिटींनी देखील या पोस्टवर कमेंट केली. प्राजक्ता कोळी म्हणजेच मोस्टली सेन तसेच राजाकुमारी यांनी या पोस्टवर कमेंट्स केल्या आहेत.