Kili Paul Viral Video on Ved: बॉलिवूडमधील प्रसिद्ध जोडी रितेश देशमुख आणि जिनिलीया देशमुख यांचा अलिकडे रिलीज झालेला ‘वेड' चित्रपटाने बॉक्स ऑफिसवर चांगलाच धुमाकुळ घातला आहे. या चित्रपटाला प्रेक्षकांचा चांगला प्रतिसाद मिळाला आहे. ‘वेड’ या चित्रपटातील गाण्यांनी प्रेक्षकांनाही चांगलेच वेड लावले आहे. या गाण्यावर सगळेच ठेका धरताना दिसत आहेत. आता या ‘वेड’ची जादू अगदी टांझानियाच्या किली पॉलला देखील पाहायला मिळाली आहे. या गाण्यावर रिल बनवला आहे.

‘वेड’ या चित्रपटाने प्रेक्षकांवर जादू केली आहे. टांझानियन सोशल मीडिया स्टार किली पॉल आणि त्यांची बहीण निमा पॉल हे सोशल मीडियावर प्रचंड सक्रिय असतात. ही जोडी ट्रेडींग गाण्यावर रिल बनवत असतात. त्यांनी ‘वेड लावलंय’ या गाण्यावरील रील बनवला आहे.हा रिल सोशल मिडियावर चांगलाच व्हायरल झाला आहे.

या व्हिडीओमध्ये किली आणि निमा दोघेही त्यांच्या पारंपारिक वेशात ‘वेड लावलंय’ या गाण्यावर ठेका धरताना दिसले आहेत. किली पॉल आणि त्याची बहीण निमा यांनी या डान्स व्हिडीओला रिक्रिएट करताना रितेशची हूक स्टेप कॉपी केली आहे.

दोघांच्या या व्हिडीओवर नेटकरी लाईक्सचा वर्षाव करत आहेत. नेटकरी कमेंट्स करून या दोघांचे कौतुक करत आहेत.

• रितेश देशमुख ची खास कमेंट

किली आणि निमा यांचा वेड गाण्यावरचा रिल पाहून रितेश देशमुखनेही कमेंट केली आहे. त्याने कमेंट करत त्यां दोघांचे कौतुक केले आहे.