कन्नड चित्रपट KGF 2 दररोज नवनवे विक्रम आपल्या नावे करत आहे. 14 एप्रिल रोजी रिलीज झालेल्या या चित्रपटाने दररोज काही ना काही विक्रम केले आहेत. आता या यादीत आणखी एका विक्रमाची भर पडली आहे. OTT प्लॅटफॉर्मने KGF 2चे अधिकार विक्रमी रकमेत विकत घेतले आहेत. (KGF 2 on OTT)

मीडिया रिपोर्ट्सनुसार, चित्रपटाचे ओटीटी अधिकार 320 कोटी रुपयांना विकले गेले आहेत. 27 मे पासून हा चित्रपट OTT वर स्ट्रीमिंगसाठी उपलब्ध असेल. या करारानंतर रॉकी भाईचा अभिनय मोठ्या पडद्यावर पाहिल्यानंतर चाहत्यांना त्यांच्या मिनी स्क्रीनवर देखील चित्रपटाचा आनंद घेता येणार हे निश्चित आहे. KGF 2 हा चौथा सर्वाधिक कमाई करणारा चित्रपट आहे ज्याने आतापर्यंत 1000 कोटींहून अधिक कमाई केली आहे.

KGF हा कन्नड चित्रपट उद्योगातील एकमेव सर्वाधिक कमाई करणारा चित्रपट आहे. याआधी कोणताही चित्रपट 1000 कोटींचा टप्पा गाठू शकला नव्हता. KGF Chapter 2 ने रिलीज होताच पहिल्या वीकेंडमध्ये 552 कोटींची कमाई करत यशाची पताका लावली होती. चित्रपटाचे बजेट 100 कोटी रुपये होते आणि 1000 कोटींच्या पुढे गेलेले कलेक्शन अजूनही सुरू आहे.

या चित्रपटात यशने रॉकीची मुख्य भूमिका साकारली होती. यात श्रीनिधी शेट्टी, संजय दत्त, रवीना टंडन, अर्चना जोइस आणि प्रकाश राज यांनी चित्रपटात प्रमुख भूमिका साकारली आहे. चित्रपटाचे दिग्दर्शन प्रशांत नील यांनी केले आहे. या चित्रपटाचा पहिला भाग 2018 मध्ये रिलीज झाला होता. जो सुपरहिट चित्रपट ठरला होता.