बॉलीवुडमधील सर्वात रोमॅंटक कपल कतरिना कैफ आणि विकी कौशल सध्या न्यूयॉर्कमध्ये सुट्ट्यांचा आनंद घेत आहेत. या दोघांनी प्रियंका चोप्राच्या न्यूयॉर्कमधील 'सोना' नावाच्या रेस्टॉरंटला भेट दिली आहे. कतरिनाने सोशल मिडियावर फोटो शेअर करत माहिती दिली आहे. (katrina kaif vicky kaushal holidaying new york visit priyanka chopras sona restaurant)

कतरिनाने इन्स्टाग्रामवर सोना रेस्टॉरंटमधील एका कर्मचाऱ्यांसाह फोटो शेअर केला आहे.या फोटोखाली तिने लिहिले, "घरापासून दूर - @sonanewyork. वातावरण आवडले - @priyankachopra नेहमीप्रमाणे तु नेहमी जे काही करते ते आश्चर्यकारक असते." कतरिनाने प्रिंटेड ड्रेस तर विकीने काळ्या डेनिम पँटसह राखाडी रंगाचा टी-शर्ट परिधान केला होता.

प्रियंका चोप्राने आपल्या इन्स्टाग्राम स्टोरीवर कतरिनाची पोस्ट रीशेअर केली आणि एक गोड नोट लिहिली, "लव्ह यू हनी! तुम्ही रेस्टॉरंटला भेट दिली खूप आनंद झाला. @sonanewyork तुमच्या स्वागतासाठी नेहमीच सज्ज आहे...#homeawayfromhome."

विकी आणि कतरिना या दोघेही आपल्या चित्रपटांमध्ये व्यस्त आहे. विकी कौशल (Vicky Kaushal) ' गोविंदा नाम मेरा' मध्ये बुमी पेडनेकर आणि कियारा अडवाणीसोबत दिसणार आहे. तसेच सारा अली खानसह लक्ष्मण उतेकरचा एक शीर्षकहीन चित्रपट देखील त्याच्या हातात आहे. मेघना गुलजारच्या 'साम बहादूर' चित्रपटामध्ये विकी दिसणार आहे.तर दुसरीकडे, कतरिना कैफचा 'टायगर 3' पाइपलाइनमध्ये यामध्ये ती सलमान खानसह मुख्य भूमिकेत दिसणार आहे.