Throwback Photo of Karishma Kapoor: बॉलिवूड सेलिब्रिटी त्यांच्या लहानपणीचे फोटो सोशल मीडियावर शेअर करत असतात. 'आपले आवडते कलाकार त्यांच्या बालपणी कसे दिसत असतील?', असा प्रश्न अनेक चाहत्यांना पडत असतो.

अलिकडेच बॉलिवूडमधील एका प्रसिद्ध अभिनेत्रीच्या बालपणीचा फोटो सोशल मीडियावर प्रचंड व्हायरल होत आहे. ही अभिनेत्री कोण आहे? असा प्रश्न अनेकांना पडला असेल. या अभिनेत्रीने गोविंदा आणि सलमान खान यांच्यासह अनेक हिट चित्रपट दिले आहे.

करिश्मा कपूरचा हा बालपणीचा फोटो आहे. करिश्माने तिचा हा फोटो सोशल मीडियावर शेअर केला होता. या फोटोला कॅप्शनमध्ये लिहिले, 'अॅन अॅप्पल अ डे किप डॉक्टर्स अवे' करिश्माचा हा फोटो सध्या सोशल मीडियावर व्हायरल होत आहे. 

हिट चित्रपटांमध्ये केले काम
'राजा बाबू', 'कुली नंबर 1', 'हिरो नंबर 1' या हिट चित्रपटांमध्ये करिश्माने गोविंदासोबत काम केले आहे. सलमान खानसोबत करिश्माने 'बीवी नंबर वन', 'जुडवा', 'अंदाज अपना अपना', 'हम साथ साथ है' आणि 'दुल्हम हम ले जायेंगे' या चित्रपटांमध्ये (Movie) काम केले आहे.  'दिल तो पागल है', 'रिश्ते' या करिश्माच्या चित्रपटांना प्रेक्षकांची विशेष पसंती मिळाली.  

करिश्मा कपूरने 2003 मध्ये संजय कपूर या बिझनेसमॅनसोबत लग्नगाठ बांधली. लग्नानंतर संजय आणि करिश्मा यांच्यामध्ये मतभेद झाले. करिश्मा कपूरने संजयच्या कुटुंबावर काही गंभीर आरोप केले होते. त्यानंतर 2016 मध्ये संजय आणि करिश्माचा घटस्फोट झाला.

• करिश्माचे आगामी प्रोजेक्ट

करिश्मा पुन्हा एकदा रुपेरी पडद्यावर येणार आहे. 'ब्राउन' हा चित्रपट आहे की वेब सीरिज याबाबत करिश्मानं कोणतीही माहिती चाहत्यांना दिली नाही. अभय देव हा ब्राउन नावाच्या या नव्या प्रोजेक्टचं दिग्दर्शन करणार आहे.