बॉलिवूड (Bollywood) अभिनेत्री कंगना नेहमीच प्रत्येक मुद्द्यावर आपले मत व्यक्त करते. मग तो चित्रपट उद्योगाशी संबंधित असो वा देशाशी. शनिवारी, 4 डिसेंबर रोजी कंगनाने (Kangana Ranaut) मथुरा (Krishna Janmbhoomi) येथे भगवान कृष्णाच्या जन्मस्थानाला भेट दिली. यावेळी पत्रकारांशी संवाद साधताना कंगना म्हणाली की, ती कोणत्याही राजकीय पक्षाशी संबंधित नाही, पण हो ती राष्ट्रवादीचा प्रचार नक्कीच करणार आहे.

खरे तर पुढील वर्षी उत्तर प्रदेशात विधानसभा निवडणुका(Uttar Pradesh Assembly Elections) होणार आहेत. कंगना अनेकदा भारतीय जनता पक्षाच्या (BJP) हितासाठी बोलताना दिसली आहे. अशा स्थितीत निवडणुकीच्या तयारीत कंगना उत्तर प्रदेशात जाणार असल्याच्या अनेक चर्चा सुरू झाल्या आहेत. कृष्णजन्मभूमीला भेट दिल्यानंतर पत्रकारांनी कंगनाला पुढील वर्षी होणाऱ्या विधानसभा निवडणुकीत भाजपचा प्रचार करणार का, असा प्रश्न विचारला. तर यावर उत्तर देताना कंगना म्हणाली – मी कोणत्याही पक्षाशी संबंधित नाही आणि जे राष्ट्रवादी आहेत त्यांच्यासाठी मी नक्कीच प्रचार करेन.

जन्मभूमीबद्दल कंगनाने हे सांगितले

यादरम्यान कंगनाने पुन्हा एकदा जन्मभूमीवर ईदगाह बनण्याचा दावा केला आहे. ज्या ठिकाणी भगवान कृष्णाचा जन्म झाला त्या ठिकाणी आता ईदगाह असल्याचा दावा अभिनेत्रीने केला आहे. राज्याचे मुख्यमंत्री योगी आदित्यनाथ भगवान कृष्णाचे खरे जन्मस्थान पाहण्यासाठी प्रयत्न करतील, अशी मला आशा आहे, असेही कंगना म्हणाली. कंगनाच्या या दाव्यामुळे लोकांच्या भावना दुखावल्या जाऊ शकतात, ज्यावर अभिनेत्री म्हणाली की जे प्रामाणिक, शूर, राष्ट्रवादी आणि देशाबद्दल बोलतात, त्यांना कळेल की मी जे बोलतेय ते बरोबर आहे.

सध्या कंगनाच्या वर्कफ्रंटबद्दल बोलायचे झाले तर ती तिचा आगामी चित्रपट 'धाकड'च्या रिलीजच्या तयारीत व्यस्त आहे. हा चित्रपट 8 एप्रिल 2022 रोजी थिएटरमध्ये प्रदर्शित होणार आहे. या चित्रपटात कंगना एजंट अवनीच्या भूमिकेत दिसणार आहे. तसेच कंगना 'टिकू वेड्स शेरू' या चित्रपटाची निर्मिती देखील करत आहे. या आगामी चित्रपटात नवाजुद्दीन सिद्दीकी आणि अवनीत कौर मुख्य भूमिकेत असणार आहेत. कंगनाने नुकताच या दोघांचा फर्स्ट लूक रिलीज केला आहे.