बॉलिवुडमधील सुपरस्टार सलमान खानने त्याच्या आगामी 'कभी ईद कभी दिवाळी' (Kabhi Eid Kabhi Diwali) या चित्रपटाचा फर्स्ट लुक शेअर केला आहे. यामुळे त्याच्या चाहत्यांमध्ये या चित्रपटाबद्दल उत्सुकता अधिक वाढली आहे. सलमानचे लांब केस, काळे जॅकेट आणि ब्लॅक सनग्लास लावून तो अॅक्शन स्टंटसाठी सज्ज दिसत आहे. (Salman Khan New Look From Kabhi Eid Kabhi Diwali)

'कभी ईद कभी दिवाळी' या चित्रपटाचे (Movie) शूट सुरू झाले आहे. सलमान खानने आपल्या इन्स्टाग्राम अकाऊंटवर या चित्रपटमद्धील पहिला लुक शेअर केला आहे. अनेक चाहत्यांनी त्याच्या पोस्टवर कमेंट आणि लाईक्सचा वर्षाव केला आहे.

'कभी ईद कभी दिवाळी' फरहाद सामजी दिग्दर्शित करणार आहे. हा चित्रपट या वर्षी डिसेंबरमध्ये रिलीज होणार आहे. या चित्रपटामध्ये पूजा हेगडे, व्यंकटेश दग्गुबती, आयुष शर्मा आणि झहीर इक्बाल यांच्या भूमिका आहेत. बिग बॉस फेम शहनाज गिल या चित्रपटाचा एक भाग असल्याची माहिती आहे. मात्र, अद्याप काहीही अधिकृत माहिती मिळालेली नाही.हा चित्रपट एका तमिळ चित्रपटाचा रिमेक आहे.