Hina Khan trolled after visiting Andhericha Raja for Ganesh Chaturthi : कट्टर मानसिकतेचा सामना कुणाला कधी करावा लागेल, कोण कधी कुठल्या कारणाने ट्रोल होईल हे सांगणं खूप कठीण आहे.

सोशल मिडीयावर उच्चशिक्षित समजले जाणारे तरुणही धार्मिक द्वेषाचा पुरस्कार करतात. कित्येकदा सेलिब्रिटींनाही हा वाईट अनुभव येतो.

एखाद्या धर्मावरुन त्याला ट्रोल करणं किंवा अपशब्द बोलणं ही विकृती आहे याचं भानही या ट्रोलर्सना नसतं.

हिना खानला केलं जातंय ट्रोल

अभिनेत्री हिना खानला (Hina Khan ) विकृत ट्रोलिंगचा सामना करावा लागला आहे. हिना खानचा व्हिडिओ सोशल मीडियावर ट्रेंड करत आहे. गणेश चतुर्थीनिमित्त ती गणपती बाप्पाचे आशीर्वाद घेण्यासाठी आलेल्या हिनाचा व्हिडीओ व्हायरल झाल्यानंतर तिला ट्रोलिंगचा सामना करावा लागत आहे.

गणपती बाप्पाला वंदन करण्यासाठी आलेल्या हिनावर काही युजर्सनी तिच्या धर्मावरुन विचित्र कमेंट केल्या आहेत. नुकतीच हिना 'अंधेरी चा राजा'च्या दर्शनासाठी आली होती. तिचा हा व्हिडीओ व्हायरल होताच काही यूजर्सनी तिच्यावर निशाणा साधला आहे.

अंधेरीच्या राजाचे दर्शन

मुंबईत सध्या गणेश उत्सवाचा (Ganesh Festivel In Mumbai ) उत्साह पाहायला मिळत आहे. या सेलिब्रेशनला हिना खाननेही हजेरी लावली होती. तिने अंधेरीच्या राजाचे दर्शन घेतले. इतर भाविकांप्रमाणे हिनानेही दर्शनाला हजेरी लावली होती.

हिनाने नतमस्तक होऊन बाप्पाचे आशीर्वाद घेतले. हा व्हिडीओ सोशल मिडीयावर व्हायरल होताच काही यूजर्सनी तिला धर्मावरुन ट्रोल करण्यास सुरूवात केली.

धर्मावरुन ट्रोलिंग

गणपतीचे दर्शन घेतल्यानंतर हिना खान कट्टरवाद्यांच्या निशाण्यावर आली आहे. युजर्स धर्माचा हवाला देत त्याच्या व्हिडिओंवर कमेंट करत आहेत. 

एका यूजरने लिहिले की, 'हे लोक फक्त धर्माची चेष्टा करतात. काही दिवसांपूर्वी ती उमराहसाठी गेली होती आणि आता...'. दुसऱ्याने लिहिले की, 'या लोकांना आदर नाही.' एका यूजरने अशीही कमेंट केली, 'या लोकांचा कोणताही धर्म नाही...'

हिना सध्या खतरो खिलाडी मध्ये

हिना खान सध्या मोठ्या पडद्यापासून दूर आहे. ती 2022 मध्ये 'षडयंत्र' या मालिकेत दिसली होती. याशिवाय ती रोहित शेट्टीच्या स्टंटवर आधारित शो 'खतरों के खिलाडी सीझन 13' मध्ये चॅलेंजर म्हणून दिसणार आहे. काही महिन्यांपूर्वीच तिने शूटिंग पूर्ण केले होते.

हिनाची पर्सनल लाईफ

पर्सनल लाईफबद्दल बोलायचे झाले तर हिना 2014 पासून 'ये रिश्ता क्या कहलाता है' या सीरियलचा सुपरवायझर प्रोड्यूसर रॉकी जैस्वालला डेट करत आहे. 'बिग बॉस सीझन 11' मध्ये हिनाने रॉकीसोबतच्या आपल्या नात्याबद्दल सांगितले होते.