Tiger Shroff : बॉलीवूडमधील सर्वात 'फिटेस्ट' अभिनेत्यांपैकी एक म्हणजे टायगर श्रॉफ. त्याने हीरोपंती या चित्रपटामधून बॉलीवूडमध्ये पदार्पण केले होते. सुरुवातील त्याला अनेक टीकांचा सामना करावा लागला होता. पण नंतर तो चाहत्यांच्या गळ्यातील ताईत बनला. आता लवकरच टायगर श्रॉफ हीरोपंती चित्रपटाच्या सिक्वेलमधून पुन्हा एकदा आपली हीरोपंती दाखवणार आहे. नुकतेच या चित्रपटाचे आणखी एक नवीन पोस्टर रिलीज करण्यात आले असून, यासोबतच निर्मात्यांनी 'हीरोपंती 2'चा ट्रेलर रिलीज करण्याची घोषणा केली आहे. (Heropanti 2 soon to hit theaters Trailer release tomorrow)

लवकरच आता हीरोपंती 2 हा चित्रपट प्रेक्षकांच्या भेटीला येणार आहे. पोस्टरमध्ये, तो कारच्या बोनेटवर पाय ठेवून बसला आहे आणि त्याच्या हातात बंदूक आहे. पोस्टरमध्ये टायगर श्रॉफचा रफ अँड टफ लूक दाखवण्यात आला आहे. पोस्टर रिलीज होताच त्याच्या पात्राचे नावही जाहीर करण्यात आले आहे. या नवीन पोस्टरच्या रिलीजसोबत टायगर श्रॉफने कॅप्शनमध्ये लिहिले की, 'Action, Swag आणि Heropanti, सगळ्यांना येत नाही आणि माझी जात नाही'.

‘हीरोपंती 2’चे नवीन पोस्टर रिलीज करण्यासोबतच टायगर श्रॉफने हे देखील सांगितले की, त्याच्या चित्रपटाचा ट्रेलर उद्या 12 वाजता रिलीज होणार आहे. टायगर श्रॉफच्या ट्रेलर रिलीजची घोषणा आणि या पोस्टरमुळे चाहत्यांची उत्सुकताही वाढली आहे.