Amir Khans's Ghajini Sequel: १५ वर्षांपूर्वी 'गजनी' हा चित्रपट प्रदर्शित झाला होता. या चित्रपटाच्या कथेने प्रेक्षकांच्या हृदयाला स्पर्श केला, त्यांना हेलावले आणि त्यांचे डोळे ओले केले.

संजय सिंघानिया आणि कल्पना यांची प्रेमकहाणी आजपर्यंत कोणीही विसरले नाही. आमिर खान आणि असीनने दमदार अभिनयाने या पात्रांमध्ये प्राण फुंकले होते. 

आता इतक्या वर्षांनी संजय पुन्हा एकदा पडद्यावर पुनरागमन करत आहे. होय. आमिर खान 'गजनी2' म्हणजेच 'गजनी 'चा सिक्वेल बनवणार आहे. यासाठी तो आता साऊथकडे वळला आहे आणि यासाठी आमिरच्या 'पुष्पा' स्टार अल्लू अर्जुनचे वडील अल्लू अरविंद यांच्याशी चर्चा सुरू आहेत.

'लाल सिंह चढ्ढा' फ्लॉप झाल्यानंतर आमिर खानने चित्रपटातून ब्रेक घेतला. मात्र, गेल्या वर्षी त्याने आरएस प्रसन्ना यांच्या 'चॅम्पियन्स' चित्रपटाची निर्मिती करत असल्याची घोषणा केली होती. आता नवीन बातम्या येत आहेत की तो 2008 मध्ये रिलीज झालेल्या 'गजनी' या अॅक्शन-थ्रिलर सिनेमाचा सिक्वेल बनवणार आहे. 

मिळालेल्या माहितीनुसार आमिर याबाबत सतत हैदराबादला जात असून या प्रोजेक्टबाबत निर्माता अल्लू अरविंद यांच्याशी बऱ्याच दिवसांपासून चर्चा सुरू आहे.

गेल्या आठवड्यात आमिर खान अल्लू अरविंदला भेटला होता, असे रिपोर्ट्समध्ये सांगण्यात आले होते. दोघांनी अनेक प्रोजेक्ट्सच्या कल्पनेवर चर्चा केली होती. दोघेही एकत्र काम करण्यास उत्सुक आहेत. पण ही फक्त एक चर्चा असल्याचं बोललं जात आहे. 

अजुनतरी सिक्वलची घोषणा झाली नाही. असे असले तरी, दोघांनाही संजय सिंघानियाची कथा पुढे नेण्याची इच्छा असून काही महिन्यांत स्क्रिप्ट फायनल करणार असल्याचे बोलले जात आहे.  पण सध्या तरी सर्व काही गुप्त ठेवण्यात आले आहे.

आमिरला फिल्म इंडस्ट्रीकडून डझनभर ऑफर्स येत असल्याचंही रिपोर्टमध्ये म्हटलं आहे. एका सशक्त आशयासाठी तो स्नेहा रजनीसोबत चर्चेत आहे. तिला प्रशांत नीलच्या पॅन इंडिया चित्रपटाची ऑफर देखील ज्युनियर एनटीआरसोबत देण्यात आली आहे, परंतु हे सर्व प्रकल्प सध्या 'वाटाघाटी' टप्प्यात आहेत.