सलमान खान आणि कतरिना कैफचा नवीन चित्रपट 'टायगर 3' चा फर्स्ट लूक सोशल मीडियावर धुमाकूळ घालत आहे. यामध्ये कतरिना कैफ अ‍ॅक्शन करताना दिसत आहे, तर दुसरीकडे सलमान खान स्कार्फ बांधून आराम करताना दिसतोय. या फर्स्ट लुकमद्धे चित्रपट प्रदर्शनाची तारीख देखील जाहीर करण्यात आली आहे. सलमान कतरिनाचा (Katrina) 'टायगर 3' ईद 2023 रोजी प्रेक्षकांच्या भेटीला येणार आहे. (Tiger 3 movie release date)

2022 मध्ये सलमान खान (Salman Khan) रुपेरी पडद्यावर झळकणार नाही. यंदाच्या ईदला सलमान चाहत्यांना टायगर 3 भेट देईल अशी अपेक्षा होती, मात्र आता सर्वांनाच वर्षभर वाट पाहावी लागणार आहे. यावर्षी ईदला सलमान खान कोणताही चित्रपट (Movie) घेऊन येणार नाही. त्याचा दुसरा चित्रपट 'कभी ईद कभी दिवाळी' 30 डिसेंबर 2022 रोजी प्रदर्शित होणार असल्याची माहिती समोर येत आहे.