Oscar 2023: ऑस्कर पुरस्कार हा संपुर्ण चित्रपटसृष्टीसाठी महत्वाचा पुरस्कार मानला जातो. एखाद्या चित्रपटाला ऑस्कर पुरस्कार मिळणे हा अत्यंत प्रतिष्ठेचे मानले जाते. दरवर्षी भारताकडून ऑस्करसाठी गाजलेले आणि उत्तम चित्रपट पाठवण्यात येतात.

यावर्षीसुद्धा भारता( India)ने द काश्मीर फाइल्स, छेल्लो शो, आरआरआर असे चित्रपट आणि काही डॉक्युमेंटरी चित्रपट पाठवण्यात आले आहेत. छेल्लो शो आणि आरआरआर या चित्रपटांना ऑस्करसाठी शॉर्टलिस्ट करण्यात आले होते. आता काही चित्रपट नॉमिनेशनसाठी निवडण्यात आले आहेत. आरआरआर( RRR) मधील नाटू नाटू या गाण्याला ऑस्करमध्ये ओरिजनल सॉंग्स या गटात नामांकन मिळाले आहे. याबरोबरच 'ऑल दॅट ब्रीथ्स'या माहितीपटाला 'डॉक्युमेंटरी फीचर फिल्म' या श्रेणीत नामांकन मिळाले आहे.

दरम्यान, अवतार : द वे ऑफ वॉटर , थार,द बेंचेस ऑफ इनशेअरिन , एलविस , एवरीथिंग एवरीवेयर ऑल अॅट वन्स, द फेबलमन्स , टॉप गन मेव्हरिक , ट्रिंगल ऑफ सॅडनेस या चित्रपटांनी सर्वोत्कृष्ट सिनेमा या श्रेणीत नामांकन मिळवत आपला दबदबा निर्माण केला आहे. कॅटे ब्लेनचेट, अॅना दे अर्मास, मिचेले व्हिल्यम्स या अभिनेत्रींना सर्वोत्कृष्ट अभिनेत्री श्रेणीत नामांकन मिळाले आहे. ऑस्टिन बस्टलर , कोलिन फरेल , ब्रेडन फ्रासर , पौल मस्कल या अभिनेत्यांना सर्वोत्कृष्ट अभिनेत्याच्या श्रेणीत नामांकन मिळाले आहे.

सर्वोत्कृष्ट माहितीपटाच्या श्रेणीत ऑल दॅट ब्रीथ्स, ऑल द ब्यूटी अॅन्ड द ब्लडशेड,फायर ऑफ लव्ह,अ हाऊस मेड ऑफ स्पील्नटर्स या माहितीपटांना नामांकन मिळाले आहे. तर मूळ पटकथेच्या श्रेणीत द बॅनशीस ऑफ इनशिरिन, एवरीथिंग एवरीवेयर ऑल अॅट वन्स,ट्रॅंगल ऑफ सॅडनेस या पटकथांना नामांकन मिळाले आहे.