Kannada Actor Nithin Gopi Died: कन्नड चित्रपटसृष्टीतून एक हृदयद्रावक बातमी समोर आली आहे. कन्नड सिनेसृष्टीतील प्रसिद्ध अभिनेते नितीन गोपी यांचे 39 व्या वर्षी निधन झाले आहे. गोपी यांचे शुक्रवारी (2 जून) सकाळी हृदयविकाराच्या झटक्याने निधन झाले.

नितीन यांच्या आकस्मिक निधनाने त्यांच्या कुटुंबाला मोठा धक्का बसला आहे. गोपी यांचे चाहतेही जड अंतःकरणाने त्यांना अखेरचा निरोप देत आहेत.

नितीन गोपी हे बंगळुरू येथील त्यांच्या घरी असताना त्यांच्या अचानक छातीत दुखू लागले. प्रकृती खालावल्याने अभिनेत्याला तातडीने रुग्णालयात दाखल करण्यात आले. मात्र हॉस्पिटलमध्येच त्यांचे निधन झाले. गोपी यांनी 39 व्या वर्षी जगाचा निरोप घेतला. डॉक्टरांनी घेतलेल्या अथक प्रयत्नानंतर देखील नितीन यांना वाचवता आले नाही.

नितीन गोपी हे कन्नड चित्रपट आणि टीव्ही इंडस्ट्रीतील प्रसिद्ध अभिनेते होते. हॅलो डॅडी या चित्रपटातील त्याच्या व्यक्तिरेखेचे ​​आणि अभिनयाचे खूप कौतुक झाले. याशिवाय नितीन केरलिदा केसरी, मुत्थिनंत हेंडती, निशब्धा यांसारख्या चित्रपटांमध्येही काम केले आहे.

पुर्नविवाह या लोकप्रिय मालिकेतही नितीनने महत्त्वाची भूमिका साकारली होती. त्याचा शो हिट झाला होता.

नितीनने चित्रपटांव्यतिरिक्त टीव्हीवरही बरेच काम केले आहे. हर हर महादेव या मालिकेच्या काही भागांमध्ये अभिनेत्याने कॅमिओ केला आहे. याशिवाय त्यांनी अनेक तमिळ शोमध्येही काम केले आहे. नितीनच्या दिग्दर्शनाबाबतही अनेक योजना होत्या. मात्र त्यांच्या आकस्मिक निधनाने संपूर्ण कन्नड उद्योगाला मोठा धक्का बसला आहे. नितीन यांच्या निधनामुळे कन्नड चित्रपटसृष्टीचे मोठे नुकसान झाले आहे.