Bigg Boss 17: बिग बॉसचा १७ वा सीझन चांगलाच चर्चेत आहे. घरातील सदस्य रोज आपल्या वादांमुळे चर्चेत येत असतात. आता या सीझनमध्ये दोन जोड्यादेखील सामील झाल्या आहेत. ऐश्वर्या शर्मा-नील भट्ट आणि अंकिता लोखंडे- विकी जैन या जोड्यांनी प्रेक्षकांचे लक्ष वेधून घेतले आहे. मात्र यांच्यातील प्रेम दिसण्याऐवजी फक्त भांडणेच जास्त दिसत असल्याने टीव्ही कलाकार देखील यावर बोलत आहेत.

साथ निभाना साथिया आणि बिग बॉस च्या १४ व्या सीझनचा भाग असलेल्या देवोलिना भट्टाचार्जीने अंकिताबद्दल काळजी व्यक्त केली आहे. विकी त्यांचे व्यक्तीगत आयुष्य खराब करत असल्याचे देवोलिनाने म्हटले आहे.

'बिग बॉस 17'मध्ये अंकिता लोखंडेसोबत विकी जैन ज्या पद्धतीने वागतो ते बाहेरच्या जगाला आवडत नसल्याचे अनेकांच्या म्हणण्यातून समोर आले आहे. याआधीही सलमान खाननेदेखील त्याला फटकारले आहे. अंकिताही सतत तक्रार करत असते की विकी तिच्याकडे दुर्लक्ष करतो. वेळ देत नाही. गेल्या एका महिन्यात हे अनेकवेळा प्रेक्षकांनी ऐकले आहे. मात्र यामध्ये सुधारणा होत नसल्याचे दिसत आहे.

आता देवोलिना भट्टाचार्जीने एक्सवर ट्वीट करत विकीच्या वागण्यामुळे मला अंकितासाठी वाईट वाटत असल्याचे म्हटले आहे. ज्याप्रकारे विकीला बिग बॉसने डोक्यावर बसवले आहे, त्यामुळे तो ताठ मानेने तर चालणारच आहे. मात्र स्वत:चे स्वार्थी व्यक्तीमत्व सिद्ध करण्याच्या नादात तो व्यक्तीगत आयुष्य खराब करत आहे. घरात आल्यापासून तो ज्याप्रकारे अंकिताबरोबर वागत आहे. त्यामुळे मला अंकितासाठी वाईट वाटत असल्याचे तिने सोशल मिडियावर म्हटले आहे.

दरम्यान, याआधी प्रतिक्रिया देताना काम्या पंजाबी म्हणाली होती की, दोघेही शोमध्ये एकत्र यायला नको होते. आता बिग ब़ॉसमध्ये नवीन काय पाहायला मिळणार हे पाहणे महत्वाचे ठरणार आहे.