बॉलिवूड अभिनेत्री आलिया भट्टचा 'डार्लिंग्स' हा चित्रपट प्रदर्शणाच्या उंबरठ्यावर आला आहे. काही दिवसांपूर्वी, निर्मात्यांनी या चित्रपटाचा ट्रेलर प्रदर्शित झाला, जो लोकांना खूप आवडला. हा चित्रपट 5 ऑगस्ट रोजी ओटीटी प्लॅटफॉर्मवर प्रदर्शित होण्यासाठी सज्ज झाला आहे. (Darlings Alia Bhatt boycott on social media hashtag BoycottAliaBhatt is trending)

मात्र रिलीजपूर्वी सोशल मीडियावर या चित्रपटावर बहिष्कार टाकण्याची मागणी आता जोर धरू लागली आहे. आलिया भट्टचा प्रोड्यूसर म्हणून हा पहिलाच चित्रपट आहे आणि अभिनेत्री स्वतः या चित्रपटात अभिनय करणार आहे.

आलिया भट्ट, शेफाली शाह आणि विजय वर्मा स्टारर 'डार्लिंग्स' हा चित्रपट ओटीटी प्लॅटफॉर्म नेटफ्लिक्सवर 5 ऑगस्टला रिलीज होणार आहे. आलिया भट्टचा लग्नानंतरचा आणि निर्माता म्हणूनही हा पहिलाच चित्रपट आहे. आलियाने या चित्रपटाच्या प्रमोशनसाठी खूप मेहनत घेतली आहे, प्रेग्नेंसीच्या अवस्थेतही तिने तिच्या चित्रपटाचे जागोजागी प्रमोशन केले आहे.

मात्र आता लोक या चित्रपटाला विरोध करताना दिसून येत आहेत. चित्रपटातील पुरुषासोबत घरगुती हिंसाचार हा डार्क कॉमेडी कसा असू शकतो, असे काही लोकांचे या चित्रपटाबाबत मत आहे. एवढेच नाही तर ट्विटरवर सध्या #BoycottAliaBhatt आणि #BoycottDarlings हे हॅशटॅग ट्रेंड करत आहेत.