मनोरंजन विश्वातून एक खळबळजनक बातमी समोर येत आहे. चित्रपट निर्माता जसप्रीत सिंग वालिया उर्फ ​​बंटी वालिया कायदेशीर कचाट्यात अडकला आहे. त्याच्यावर सीबीआयने गुन्हा दाखल केला आहे. अधिकाऱ्यांनी रविवार, 28 मे रोजी सांगितले की, निर्मात्याने 119 कोटी रुपयांची बँकेची फसवणूक केली आहे. 

याच प्रकरणी फसवणूकीचा गुन्हा बंटी वालियावर दाखल करण्यात आला आहे. जून 2008 मध्ये वालिया व इतरांच्या वैयक्तिक हमीवर दोन कर्जे घेतल्याचा आरोप तक्रारीत करण्यात आला आहे. त्यांची कंपनी GS Entertainment Pvt Ltd ने 'लम्हा' चित्रपटाच्या निर्मितीसाठी वित्त योजनेअंतर्गत 2.35 लाखांचे विदेशी चलन कर्ज आणि 4.95 कोटी रुपयांचे RTL जारी केले होते.

बँकेने असा दावा केला आहे की संजय दत्त आणि बिपाशा बसू स्टारर चित्रपट 2009 मध्ये रिलीज करण्याची योजना होती, परंतु प्रमोटर्स  आणि एग्जीबीटर्समधील वादामुळे त्याचे प्रदर्शन रखडले. 

30 सप्टेंबर 2009 रोजी, हे खाते देखील एक नॉन-परफॉर्मिंग मालमत्ता बनले. GSEPL, PVR आणि खाजगी बँक यांच्यातील त्रिपक्षीय करारावर तोडगा काढण्यासाठी बँकेने PVR ची चित्रपटाच्या जगभरात रिलीजसाठी वितरक म्हणून नियुक्ती केली. तसेच PVR कडून वचनबद्धता घेतली की तो पोस्ट-प्रॉडक्शन कामासाठी 8 कोटी रुपये गुंतवेल.

आता बँकेचा आरोप आहे की PVR आपल्या वचनबद्धतेचे पालन करण्यात अपयशी ठरले आहे. त्यांचे सुमारे 83.89 लाख रुपयांचे नुकसान झाले.

 कारण कंपनीचे एकूण उत्पन्न केवळ 7.41 कोटी रुपये होते, तर कंपनीने जाहिरात आणि वितरणावर 8.25 कोटी रुपये खर्च केले होते. बँकेने आरोप केला आहे की फॉरेन्सिक ऑडिटमध्ये उघड झाले की कंपनीने 'बनावट वापर प्रमाणपत्र' सादर केले, बँकेचा निधी वळवला आणि पासबूकमध्ये फेरफार केला.

बँकैने GSEPL वर फसवणूक, खोटेपणा, नोंदी खोटेपणा, सार्वजनिक पैशांचा गैरवापर, चुकीची माहिती देणे आणि विश्वासार्हतेचा गुन्हेगारी उल्लंघन केल्याचा आरोप केला आहे, ज्यामुळे कर्ज फसवणूक झाल्याचे घोषित करण्यात आले. 

सीबीआयने या प्रकरणात वालिया, जीएसईपीएल आणि इतरांविरुद्ध भारतीय दंड संहिता (आयपीसी) कलमांतर्गत गुन्हेगारी कट, फसवणूक तसेच भ्रष्टाचार प्रतिबंधक कायद्याच्या तरतुदींनुसार गुन्हा दाखल केला आहे.