Box Office Collection teri baaton mein aisa uljha jiya shahid kapoor kriti senon movie

शाहिद कपूर आणि क्रिती सेनॉनचा 'तेरी बातों में ऐसा उल्झा जिया' हा चित्रपट रिलीज होऊन 16 दिवस झाले आहेत आणि तो आता हिट झाला आहे. हा चित्रपट तिसऱ्या आठवड्यातही चांगली कमाई करताना पाहायला मिळत आहे.

दुसरीकडे, हृतिक रोशन आणि दीपिका पदुकोण स्टारर 'फाइटर' रिलीज होऊन एक महिना पूर्ण झाला आहे. लाखांपर्यंत मर्यादित असलेली त्याची कमाई आता दररोज घसरत आहे. त्याच वेळी, या आठवड्यात प्रदर्शित झालेल्या 'आर्टिकल 370', 'क्रॅक' आणि 'ऑल इंडिया रँक' या तीन चित्रपटांच्या कमाईवरही परिणाम झाला आहे. तेरी बातों में ऐसा उल्झा जिया आणि 'फाइटर'ने आतापर्यंत एकूण किती कलेक्शन केले आहे आणि बॉक्स ऑफिसवर किती कमाई केली आहे हे जाणून घेऊयात.

मिळालेल्या माहितीनुसार, 'तेरी बातों में ऐसा उल्झा जिया' ने रिलीजच्या तिसऱ्या शनिवारी म्हणजेच 24 फेब्रुवारीला 2.3 कोटींची कमाई केली आहे. तर एक दिवस आधी या चित्रपटाची कमाई अडीच कोटी रुपये होती. तिसऱ्या शनिवारी 'तेरी बातों में ऐसा उल्झा जिया'च्या कमाईत 8% घसरण झाली.

आतापर्यंत चित्रपटाचे एकूण कलेक्शन 70.8 कोटींवर पोहोचले आहे. त्याचबरोबर जगभरात 'तेरी बातों में ऐसा उल्झा जिया'ने 120.8 कोटी रुपयांचे कमाई केली आहे. 23 फेब्रुवारी हा सिनेमा लव्हर्स डे होता, त्यामुळे सिनेमाच्या तिकिटांची किंमत फक्त 99 रुपये ठेवण्यात आली होती.

'तेरी बात में ऐसा उल्झा जिया'ला याचा खूप फायदा झाला. यामुळेच रिलीजच्या तिसऱ्या शुक्रवारी म्हणजेच 23 फेब्रुवारीला शाहिद आणि क्रितीच्या चित्रपटाने 2.5 कोटींची कमाई केली होती. अन्यथा त्याचे कलेक्शन केवळ 1.25-1.50 कोटी रुपये झाले असते.

आता या चित्रपटाने 70 कोटींचा टप्पा ओलांडला असून, 80 कोटींकडे चित्रपटाने वाटचाल सुरु केली आहे. 'तेरी बातों में ऐसा उल्झा जिया'चे लाइफटाईम कलेक्शन 80-90 कोटी असू शकते असा अंदाज आहे.75 कोटी बजेट असलेल्या या चित्रपटाने जगभरात 100 कोटींचा टप्पा ओलांडला आहे.