Box Office Collection: सध्या चित्रपटगृहात बॉलीवूडचे अनेक चित्रपट प्रदर्शित होत आहेत. त्यापैकी कोणता चित्रपट आपल्या प्रेक्षकांचे मनोरंजन करण्यात यशस्वी ठरणार हे पाहणे उत्सुकतेचे आहे.

नुकतेच शाहरुखच्या जवानने अनेक विक्रम करत इतर चित्रपटांपुढे एक रेकॉर्ड सेट केले आहेत. 'फुकरे 3' आणि 'द वॅक्‍सीन वॉर' हे दोन चित्रपट नुकतेच प्रदर्शित झाले आहेत. मात्र बॉक्स ऑफीसवर हे दोन्ही चित्रपट म्हणावी तशी कमाई करु शकले नाहीत.

फुकरे ३ आणि विवेक अग्नीहोत्रीचा द वॅक्सिन वॉर हे गेल्या काही दिवसांपासून चर्चेत होते. द वॅक्सिन वॉर पहिल्याच दिवशी एक कोटीची कमाई करण्यात अपयशी ठरल्याचे चित्र दिसून आले आहे.

मृगदीप सिंह लांबा यांनी दिग्दर्शित केलेल्या 'फुकरे 3' चित्रपटाकडून अपेक्षा होत्या कारण याआधीच्या फुकरे २ आणि फुकरे या चित्रपटांनी प्रेक्षकांचे भरभरुन मनोरंजन केले होते. मिळालेल्या माहीतीनुसार, चित्रपटाने पहिल्याच दिवशी 8.82 कोटीचा गल्ला जमवण्यात यश आले आहे. यातील २.५ कोटी अॅडव्हान्स बुकिंगमध्ये कमावले होते. फुकरे ३ चे बजेट ४० कोटी आहे. आठवड्याच्या शेवटी चित्रपट चांगली कमाई करु शकतो असे म्हटले जात आहे.

दुसऱ्या बाजूला विवेक अग्नीहोत्रीच्या वॅक्सिन वॉरने फक्त ८५ लाख इतकी कमाई केली आहे. १२.५ कोटी बजेट असलेल्या चित्रपटाने ८५ कोटीमधील ५० लाख अॅडव्हान्स बुकिंगमध्ये कमावले आहेत. आता हे चित्रपट किती कमाई करणार हे पाहणे महत्वाचे ठरणार आहे.

दरम्यान, विवेक अग्नीहोत्रीचा 'द काश्मीर फाइल्स' चांगलाच गाजला होता. संपूर्ण देशात हा चित्रपट पाहिला गेला होता.