सध्या सर्वत्र गणेशोत्सवाचं उत्साही वातावरण आहे. सामान्य नागरीकांपासून ते अभिनेते, उद्योगपती बाप्पाच्या भक्तीत विलीन झालेले दिसतात. देशभरात 19 सप्टेंबरपासुन गणेशोत्सव सुरू झाला आहे.
उद्योगपती मुकेश अंबानी यांच्या मुंंबईच्या निवासस्थानीही गणेशाची प्रतिष्ठापणा झाली आहे. अंबानींच्या घरातल्या बाप्पाचं दर्शन घ्यायला बॉलीवूडच्या अनेक सेलिब्रिटींनी हजेरी लावली. यात जवानच्या कलाकारांनी सगळ्यांचं लक्ष वेधून घेतलं.
मुकेश अंबानी यांनी मुंबईच्या निवासस्थानी अँटिलियामध्ये गणेश चतुर्थीच्या पूजेचे आयोजन केले होते. या पूजेसाठी अनेक सेलिब्रिटींनी हजेरी लावली होती. अनेक स्टार्स यावेळी पारंपारिक पोषाखात दिसले होते. या पुजेसाठी रेखा, जूही चावला, रणवीर सिंग-दीपिका पदुकोण, राजकुमार राव हे कलाकार उपस्थित होते.
या शिवाय या पूजेसाठी शाहिद कपूर, वरुण धवन, जान्हवी कपूर, रश्मिका मंदान्ना, करण जोहर. विकी कौशल, सनी कौशल, खुशी कपूर, बोनी कपूर, रितेश देशमुख, जेनेलिया डिसूझा, एकता कपूर, जितेंद्र, श्रद्धा कपूर, सुनील शेट्टी असे अनेक कलाकार दिसले.
अनेक स्टार्स- सुपरस्टार्स जरी या पूजेसाठी उपस्थित असले तरीही 'जवान'चित्रपटाचे स्टार्स या पूजेत आकर्षणाचे केंद्रबिंदू बनले होते. या गणेश पूजा सोहळ्यात 'जवान'चा लीड हिरो शाहरुख खान पत्नी गौरी खानसोबत दिसला. शाहरुख खानचे संपूर्ण कुटुंब पूजेसाठी आले होते. यावेळी मुलगी सुहाना आणि मुलगा अबराम यांच्याशिवाय गौरी खानची आईही तिच्यासोबत दिसली.
'जवान' चित्रपटात शाहरुख खानसोबत दिसणारी अभिनेत्री नयनतारा पती विघ्नेश शिवनसोबत पोहोचली होती. शाहरुख खान येताच लोकांनी त्याला चारही बाजूंनी घेरले. मात्र, गणेश चतुर्थीच्या या फोटोंमध्ये शाहरुख खानचा मोठा मुलगा आर्यन मात्र उपस्थित नव्हता.
"जवान' चित्रपटात शाहरुख खानच्या पत्नीच्या भूमिकेने लोकांची मने जिंकणारी दीपिका पदुकोणही येथे दिसली. दीपिका पती रणवीर सिंगसोबत दिसली. यावेळी तिने रणवीर सिंगसोबत कॅमेऱ्यासमोर बरीच पोज दिली.
मात्र, ज्यांच्यावर सर्वांच्या नजरा खिळल्या होत्या, तो म्हणजे 'जवान' चित्रपटाचा दिग्दर्शक ऍटली. दिग्दर्शक अॅटलीची पत्नी कृष्णा प्रियाने 'जवान'च्या संपूर्ण स्टारकास्टमध्ये सर्वांच्य नजरा स्वत:कडे वळवल्या. या फोटोंमध्ये रणवीरसमोर दीपिकाच उंच दिसत होती.