बॉलीवूड अभिनेत्री दीपिका पदुकोणच्या जबरदस्त अभिनयाची जादूने जगभरातील प्रेक्षकांना भुरळ पाडली आहे इतकेच नव्हे तर, चाहत्यांच्या पसंतीस सुध्दा उतरली. आता अश्यातच दीपिकाने डिजिटल जगातही तिची आता नवी इनिंग सुरू केली. बऱ्याच दिवसांपासून ती तिच्या 'गहराइया' (Gehraiyaan) या डिजिटल चित्रपटामुळे चर्चेत आहे. आता तर तीच्या या चित्रपटाचा ट्रेलरही रिलीज झाला.

दीपिकाने ट्रेलर शेअर केला आहे

या चित्रपटात दीपिकासोबतच (Deepika Padukone)अनन्या पांडे, सिद्धांत चतुर्वेदी आणि धैर्य करवा हे कलाकारही मुख्य भूमिकेत आहेत. चित्रपटात दीपिका आणि सिद्धांत यांच्यात खूप बोल्ड सीन्स शूट करण्यात आले आहेत, ज्याची झलक ही स्पष्टपणे ट्रेलरमध्ये दिसून येते. दीपिकाने हा ट्रेलर तिच्या इंस्टाग्राम पेजवर पोस्ट केला असून कॅप्शनमध्ये लिहिले की, 'जिंदगी, प्रेम आणि पर्याय... या सर्वांचा अनुभव घेऊया.'

जाणून घ्या काय आहे कथा

ट्रेलरची सुरुवात दीपिका पदुकोणने होत असून , ती म्हणते की, "मला घरात राहणे पसंत नाही, मला इथे अडकल्यासारखे वाटते." यानंतर एंट्री होते अनन्या पांडे ची म्हणजे दीपिकाच्या बहिणीची , जी दीपिकाची तिच्या प्रियकराशी म्हणजे सिद्धांत चतुर्वेदी (Siddhant Chaturvedi) ओळख करून देते. मग पुढची कथा ही तिच्याच बहिणीच्या बॉयफ्रेंडसोबतच्या अफेअरभोवती फिरत असते.

रिलेशनशिप ड्रामा आहे फिल्म

ही फिल्म एक रिलेशनशिप ड्रामा आहे, ज्यामध्ये दीपिका आणि अनन्याने खूप बोल्ड सीन्स दिले आहेत. यामध्ये आजच्या नातेसंबंधातील गुंतागुंत आणि तरुणांच्या जीवनातील विशेष पैलू दाखविण्याचा प्रयत्न केला आहे.

OTT प्लॅटफॉर्म होणार प्रदर्शित

शकुन बत्रा दिग्दर्शित, चित्रपटात रजत कपूर आणि ज्येष्ठ अभिनेते नसीरुद्दीन शाह यांचीही प्रमुख भूमिका असलेला चित्रपट हा 11 फेब्रुवारी रोजी OTT प्लॅटफॉर्म Amazon Prime Video वर स्ट्रीम होणार आहे.