अभिनेते नसीरुद्दीन शाह आपल्या बेधडक बोलण्याने अनेकदा ट्रोल झाले आहेत. तरीही नसीरुद्दीन शाह यांनी आपल्या बिनधास्त बोलण्याला कधीही आवर घातला नाही. गेले काही दिवस 'द केरळ स्टोरी' या चित्रपटावर देशभरात जोरदार वाद सुरू आहेत.

या चित्रपटावर अलीकडेच नसीरजींनी नकारात्मक प्रतिक्रिया दिली होती त्यावर आता अभिनेते आणि भाजप नेते मनोज तिवारी यांनी प्रत्युत्तर दिलं आहे. काय म्हणतायत मनोज तिवारी चला पाहुया?

नसीरुद्दीन शाह म्हणतात...

ज्येष्ठ अभिनेते नसीरुद्दीन शाह त्यांच्या ताज्या विधानामुळे सध्या चर्चेत आहेत. अलीकडेच त्यांनी दिग्दर्शक सुदीप्तो सेन यांच्या 'द केरळ स्टोरी' या चित्रपटावर आपले मत मांडले होते, त्यांच्या बेधडक मताने सतत चर्चेत राहिला होते. 

याविषयी बोलताना त्यांनी अलीकडेच एका मुलाखतीदरम्यान सांगितले की, चित्रपटाचे यश हा धोकादायक ट्रेंड आहे. तसेच त्याची तुलना नाझी जर्मनीशी केली. केरळ स्टोरीवर थेट मत व्यक्त केल्याने आता नसीरुद्दीन शाह यांना टीकेला सामोरं जावं लागत आहे.

मनोज तिवारी यांचं प्रत्युत्तर

आता नसीरुद्दीन शाह यांच्या या मोठ्या वक्तव्यावर भाजप नेते, भोजपुरी गायक आणि अभिनेता मनोज तिवारी यांनी निशाणा साधला आहे. द केरळ स्टोरीवरील नसीरुद्दीनच्या टिप्पण्यांबद्दल मनोज तिवारी यांना विचारले असता, त्यांनी एका न्यूज पोर्टलला उत्तर दिले "मला जड अंतःकरणाने असे म्हणायचे आहे की नसीरुद्दीन एक चांगला अभिनेता आहे परंतु त्याचे हेतू योग्य नाहीत".

पूर्वीच्या चित्रपटांबद्दल कधी बोलले नाहीत

पूर्वीच्या चित्रपटांमध्ये गुंड महिलांना त्रास देत असत आणि त्यांच्याबद्दल अयोग्य टिप्पणी करत असत, तेव्हा नसीरुद्दीनने आवाज का उठवला नाही, असा सवाल त्यांनी केला. मात्र, यापूर्वीचे चित्रपट काल्पनिक असल्याचे मतही तिवारी यांनी मांडले. द केरळ स्टोरी आणि द काश्मीर फाईल्स ही वस्तुस्थितींवर आधारित असल्याचेही त्यांनी आवर्जून सांगितले.

नसीरुद्दीन शाह यांची भारतीय नागरीक म्हणून चांगली छाप नाही

पूर्वीच्या चित्रपटांबद्दल नसीरुद्दीन शाह यांना काही बोलायचे नव्हते, असे मनोजने सांगितले. यानंतर तिवारींनी सांगितले की, जर त्यांना चित्रपटाबाबत काही अडचण असेल तर तो कोर्टात जाऊ शकतो. 

भोजपुरी सुपरस्टार मनोज तिवारी पुढे म्हणाले की बोलणे खूप सोपे आहे. नसीरुद्दीन शाह यांनी भारतीय नागरिक म्हणून आणि माणूस म्हणून चांगली छाप पाडलेली नाही.

चित्रपट पाहणार नाही

विशेष म्हणजे, काही दिवसांपूर्वी नसीरुद्दीन म्हणाले होते की, 'भिड', 'आफवा' आणि 'फराज' हे सर्व चित्रपट फ्लॉप झाले, पण 'द केरळ स्टोरी' पाहण्यासाठी लोकांची गर्दी झाली होती. त्यांनी चित्रपट पाहिलेला नाही आणि त्याबद्दल बरेच वाचले असल्याने तो पाहण्याचा कोणताही विचार नसल्याचे त्यांनी सांगितले आहे.