Bigg Boss 17 Promo: बिग बॉसच्या घरात नेहमीच काहीतरी नवीन घडताना दिसते. सतत ट्विस्ट अँड टर्न्स पाहायला मिळतात. आता ग्रँड फिनालेला काही वेळ शिल्लक असताना बिग बॉसने नॉमिनेशनसाठी एक टास्क आयोजित केला आहे.

या टास्कसाठी दोन टीम करण्यात आल्या आहेत. त्यापैकी एक टीम अभिषेक, अरुण, मन्नारा आणि मुनव्वर यांची आहे. तर दुसरी टीम ईशा, अंकिता, विकी आणि आएशा यांची आहे. टीम ए ने 16 जानेवारीच्या एपिसोडमध्ये परफॉर्म केलेले पाहायला मिळाले. त्यांच्यावर मिठ-मिरचीपासून ते स्प्रे-तेलापर्यंत सर्व काही टाकण्यात आले पण त्यांनी केलेल्या परफॉर्मन्सवर प्रेक्षक खूष झाले आहेत.

दुसऱ्या दिवशी टीम बी ची वेळ होती, त्याआधी या गटातील स्पर्धकांनी घरातील सर्व बकेट, मिरची पावडर आणि इतर असे सर्व साहित्य लपवून ठेवले ज्याचा वापर त्यांनी टीम ए मधील सदस्यांच्या विरुद्ध केला होता. यावरुन विकी आणि मुनव्वर यांच्यात भांडणेदेखील पाहायला मिळाली आहेत.

बिग बॉसने टीम A ला आर्काइव्ह रूममध्ये बोलावले. तिथे विकीची टीम घरातील सर्व मसाले कसे लपवून ठेवते हे दाखवण्यात आले आहे. या लोकांची पाळी येण्यापूर्वी मिरची आणि मसाले लपवताना दिसल्याचे सांगितले जाते. अंतिम फेरीच्या अगदी जवळ, हा निव्वळ अन्याय आहे. आणि पूर्णपणे अस्वीकार्य असल्याचे बिग बॉसनेदेखील म्हटले आहे. फुटेज पाहिल्यानंतर मुनव्वर म्हणाला की, एवढी भीती होती तर या लोकांनी असे का केले?

आता प्रोमोमध्ये दाखवल्याप्रमाणे बिग बॉस टीम ए कडे निर्णय घेण्याचा अधिकार देतात. आता टीम ए टीम बीने खेळावी अशी मागणी करणार की नॉमिनेशन टास्क खेळण्यासाठी प्रवृत्त करणार हे पाहणे महत्वाचे ठरणार आहे.