Bhuvan Bam's New Show : भुवन बाम(Bhuvan Bam) आणि सृष्टी गांगुली रिंदानी(Srishti Ganguli Rindani) .यांच्या प्रमुख भूमीका असणार अमेझॉन मिनी टीव्हीचा आगामी शो 'रफ्ता रफ्ता'चा टीझर झाला नुकताच प्रसिद्ध झाला आहे

हा टिजर अमेझॉनच्या मोफत व्हिडिओ स्ट्रीमिंग सेवेने हा टीझर प्रदर्शित केला आहे. या टिव्ही शो मध्ये डिजिटल सेन्सेशन भुवन बामसोबत अभिनेत्री सृष्टी गांगुली रिंदानी मुख्य भूमीकेत पाहायला मिळेल. या टीजरमध्ये न्यूली मॅरीड कपल करन आणि नित्या यांच्या आयुष्याची झलक दिसते.

नुकत्याच प्रदर्शित झालेल्या टीझरमध्ये हे जोडपे ब्रेकफास्ट दरम्यान एकमेकांच्या सहवासाचा आनंद घेत असल्याचं दिसतं. पुढे याच्यात कॉमेडी ऑफ एरर्स होत राहते. सात एपीसोडची ही सिरीज दैनंदिन समस्या दाखवत एक आकर्षक, विलक्षण आणि मजेदार अनुभव देणार हे नक्की.

यावर बोलताना भुवन बाम म्हणाले, "मी मध्यमवर्गीय कुटुंबात लहानाचा मोठा झालो आणि लग्नाकडे पाहण्याचा दृष्टिकोन गेल्या काही वर्षांत ज्ञात आणि अज्ञात कारणांमुळे खूप बदलला आहे. रोमँटिक ड्रामा उलगडणारा सर्व कंटेंट यात आहे.

पुढे भुवन म्हणाला 'रफ्ता रफ्ता'मध्ये काही प्रसंगी अनपेक्षित वळण घेऊन आधुनिक लग्मसंस्थेतल्या बारीक गोष्टी टिपण्याचा प्रयत्न केला आहे. अमेझॉन मिनी टीव्ही (Amazon MiniTV) आमचा स्ट्रीमिंग पार्टनर असल्याने आम्हाला आनंद होत आहे कारण आमचा कंटेंट संपूर्ण भारतातील प्रेक्षकांसाठी विनामूल्य उपलब्ध असेल."

'रफ्ता रफ्ता'ही एक ट्विस्ट असलेली रॉमेडी असून, भुवन बामचा आधीचा कंटेंट बघता प्रेक्षकांमध्ये या सिरीजची उत्सुकता वाढणार हे नक्की.'रफ्ता रफ्ता'ही सिरीज २५ जानेवारी रोजी अमेझॉन मिनी टीव्हीवर प्रदर्शित होण्यासाठी सज्ज आहे