दिग्दर्शक रामप्रसाद आडपईकर यांचा ‘बिईंग शॅरलॉक’ हा मजेशीर लघुपट दोन दिवसांपूर्वीच युट्युबवर (You Tube) रिलीज झाला आहे. ‘शॅरलॉक’ (Sherlock) अनेकांच्या मनात दडून असतो. काल्पनिक पात्र असले तरी प्रमाणे खऱ्या आयुष्यातही आपण काही अवघड कोडी सोडवून दाखवावीत अशी सुप्त इच्छा अनेकांच्या मनात असते. मात्र जेव्हा ‘शॅरलॉक’ फॉर्म्युला वापरून आपण एखाद्याची मदत करायचे ठरवतो तेव्हा भलत्याच रांगड्यात सापडल्याचा अनुभव येतो.

रामप्रसाद म्हणतो, त्यालाही लहानपणी ‘शॅरलॉक’ बद्दल एक प्रकारचे आकर्षण होतेच. त्या आकर्षणाची परिणती अशाप्रकारे त्याच्या ‘बिईंग शॅरलॉक’ (Being Sherlock) या लघुपटाच्या निर्मितीद्वारे झाली आहे. खरं म्हणजे कोविडकाळातला (Corona) एक प्रयोग म्हणून ही निर्मिती झाली. रामप्रसादला वाटत होतं की कदाचित हा लघुपट लोकांना नीटपणे समजणार नाही.

कारण ‘पाहता-पाहता विचार करणे’ हेदेखील हा लघुपट (Short Film) पाहताना प्रेक्षकांकडून अपेक्षीत होते, जे सहसा होत नसते. पण आश्चर्याची गोष्ट म्हणजे युट्यूबवर आलेल्या प्रतिसादावरून लोकांना हा चित्रपट (Movie) आवडल्याचे दिसते आहे. रामप्रसादला हे देखील अनपेक्षित होते. या लघुपटाची सुरुवात अत्यंत आकर्षक आहे. त्यामुळे अगदी सुरुवातीपासूनच हा लघुपट प्रेक्षकांच्या मनाची पकड घेतो.