बॉलिवूडची आशिकी गर्ल म्हणून प्रसिद्ध असलेली अनु अग्रवाल आज तिचा 53 वा वाढदिवस साजरा करत आहे. अनुने वयाच्या 21 व्या वर्षी आशिकी चित्रपटातून पदार्पण केले. या चित्रपटाने अनुचे (Anu Aggarwal) आयुष्य रातोरात बदलून टाकले. लोक तिच्या सौंदर्याने मोहित झाले आणि तिची एक झलक पाहण्यासाठी तिच्या घराबाहेर तासनतास रांगा लावत असत, पण अचानक काहीतरी घडले ज्यामुळे अनुचे आयुष्य बदलले. (Anu Aggarwal Birthday Special)
1999 मध्ये अनु मुंबईत एका धोकादायक कार अपघाताची बळी ठरली. या अपघातात त्यांचे प्राण वाचले. अनुला गंभीर दुखापत झाली असून तिला रुग्णालयात दाखल करण्यात आले होते. अनुने 29 दिवस मृत्यूशी जीवनाची लढाई लढली. मीडिया रिपोर्ट्सनुसार, जेव्हा अनुला शुद्ध आली तेव्हा तिची स्मरणशक्ती पूर्णपणे नष्ट झाली होती आणि तिला काहीच आठवत नव्हते.
अनुवर चार वर्षे उपचार झाले आणि त्यानंतर तिची स्मरणशक्ती काही प्रमाणात परत आली. आता अनु बरी आहे पण तिचे आयुष्य रुळावर यायला खूप वेळ लागला. अनुने योग आणि अध्यात्माचा आश्रय घेऊन स्वतःला सावरले आता ती स्वतः योगशिक्षिका बनली आहे. एका मुलाखतीत अनुने तिच्या आयुष्याविषयी सांगितले होते आणि 1999 मध्ये एका अपघातानंतर मी कोमात गेले होते. अपघातापूर्वी मी एका आश्रमात राहत होते जिथे माझे आध्यात्मिक नाव होते
अपघातानंतर मला काहीच आठवत नव्हते पण माझे आध्यात्मिक नाव आठवत होते. 2001 मध्ये, मी संन्यास घेतले आणि माझे मुंडन केले. 2006 मध्ये मी जगासमोर आले आणि लोकांना भेटू लागले. अपघातानंतर, मी लिपस्टिक लावायला विसरले होते आणि माझे 'बिफोर' आणि 'आफ्टर असे कोणतेही मेकअपचे फोटो नव्हते. मला धक्काच बसला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
