जेम्स कॅमेरुन दिग्दर्शित अवतार : द वे ऑफ वॉटर या सिनेमाने बहुचर्चित कश्मिर फाईल्स आणि ब्रह्मास्त्र या सिनेमाचा रेकॉर्ड मोडला आहे. अवतार या सिनेमाने भारतासह जगभरातल्या प्रेक्षकांवर जादु केली आहे.रविवारच्या दिवशी चित्रपटाने कमाई केलीच पण त्याचबरोबर सोमवारीसुद्धा अवतारने बुकिंगच्या माध्यमातुन जोरदार कमाई केली आहे.

भारतात यावर्षीच्या टॉप 5 सिनेमांमध्ये समाविष्ट असणाऱ्या कश्मिर फाईल्स आणि ब्रह्मास्त्र या सिनेमांचा कमाईचा रेकॉर्ड अवतारने मोडला आहे. कश्मिर फाईल्स या वर्षी 11 मार्चला रिलीज झाला होता . बॉक्स ऑफिसवर या सिनेमाने  ‘252.90 कोटी इतकी कमाई केली तर 9 सप्टेंबरला रिलीज झालेल्या ‘ब्रह्मास्त्र पार्ट वन शिवा’ ने 257.44 कोटी कमाई केली होती.

 ‘अवतार द वे ऑफ वाटर’ने रिलीजच्या दुसऱ्या रविवारी केलेली कमाई चक्रावुन टाकणारी आहे. या रविवारी अवतारने 25.12 कोटी रुपयांची कमाई केली आहे. अवतारने आतापर्यंत इंडियन बॉक्स ऑफिसवर रविवारी रात्री 252.85 कोटी रुपये कमावले आहेत.

इंग्लिशमध्ये 131.55 कोटी , हिंदीत 81.80 कोटी , तेलुगूमध्ये 22.80 कोटी , तमिळमध्ये 13.50 कोटी आणि मल्याळममध्ये 3.2 कोटी एवढी तगडी कमाई अवतारने केली आहे. याशिवाय सोमवारसाठी झालेलं बुकींग 6 कोटींच्या वर गेले आहे. सोमवारी अवतार 12 कोटी रुपयांची कमाई करेल असा अंदाज आहे.

अवतारचा कमाईचा आलेख असाच चढता राहिला तर अवतारची कमाई नवनवे रेकॉर्ड करणार हे निश्चित. त्यातच आता या आणि पुढच्या शुक्रवारी कोणताहा सिनेमा रिलीज होणार नसल्याने त्याचा फायदा अवतारला नक्की मिळणार.