Aryan Khan Drug Case: बॉलीवूडचा किंग खानचा मुलगा आर्यन खान कथित ड्रग्ज प्रकरणात नवीन वळण देणारी माहीती समोर आली आहे. या प्रकरणाचा तपास सुरु असाताना आर्यन खानसोबत घेतलेली सेल्फी मोठ्या प्रमाणात व्हायरल झाली होती.

या फोटोमध्ये किरण गोसावी नावाचा व्यक्ती दिसून येत आहे. आता लाच घेतल्याप्रकरणी आरोपी असलेल्या माजी इंटेलिजेंस ऑफिसर आशीष रंजन यांनी किरण गोसावी बाबत महत्वाची माहीती उघड केली आहे.

एनसीबी अधिकारी समीर वानखेडे यांच्या परवानगीनंतरच या प्रकरणात किरण गोसावीला सामील केल्याचे आशिष रंजन यांनी म्हटले आहे. मात्र याआधी समीर वानखेडे यांनी ड्रग्ज प्रकरणा दरम्यान किरण गोसावीबरोबर पहिल्यांदा भेट झाल्याचे म्हटले होते. त्यामुळे आता या दोन्ही विधानांमध्ये विरोधाभास दिसून येत आहे.

आशिष रंजन यांनी दिलेल्या विधानानंतर आर्यन खान ड्रग्ज( Drugs ) केस प्रकरणात बऱ्याच त्रुटी दिसून आल्या असल्याचे म्हटले जात आहे. दरम्यान, किरण गोसावी हा या प्रकरणात साक्षीदार मानला जात होता.

आर्यन खान ड्रग्ज प्रकरणाच्या तपासानंतर एनसीबीने आर्यनविरुद्धचा खटला रद्द केला असून पुराव्याअभावी त्याला कोर्टाने क्लीन चिट दिली आहे. मिळालेल्या माहीतीनुसार, आर्यनचे एक ऑडिओ रेकॉर्डिंगही गोसावी यांनी प्रसारित केले होते आणि यावरून तपास प्रक्रियेतील त्रुटीही दिसून येतात. एनसीबी कार्यालयातून साक्षीदाराचा आरोपीसोबतचा सेल्फी सोशल मीडियावर व्हायरल झाल्याने मोठा प्रश्न निर्माण झाला आहे.