anushka sharma likes virat kohli bewafaa post: क्रिकेट जगतातील 'पॉवर कपल' विराट कोहली आणि अनुष्का शर्मा यांच्या चाहत्यांची संख्या केवळ भारतातच नाही, तर जगभरात आहे. आनंद असो वा कठीण काळ, त्यांचे चाहते नेहमीच त्यांच्यासोबत ठामपणे उभे असतात. नुकताच, विराट कोहलीच्या एका निष्ठावान चाहत्याने बनवलेला एक मजेशीर रील सोशल मीडियावर धुमाकूळ घालत आहे. विशेष म्हणजे, अनुष्का शर्माने स्वतः हा रील पाहिला आणि त्याला लाईक करून या चर्चेत अधिक भर घातली आहे.

रीलमध्ये आहे तरी काय?

एका चाहत्याने बनवलेला हा व्हिडिओ हलक्या-फुलक्या विनोदी पद्धतीने विराट कोहलीवरील त्याचे प्रेम आणि भावना व्यक्त केली आहे. जेव्हा विराट कोहलीने जाहीर केले की, त्याच्या कठीण काळात केवळ अनुष्का शर्मानेच त्याला साथ दिली, हा रील त्यावेळी चाहत्याची निराशा दाखवतो, व्हिडिओमध्ये हा चाहता आधी निराश होऊन खिडकीतून खाली उडी मारताना दिसतो. यानंतर तो कांदा चिरताना आपले अश्रू लपवण्याचा अभिनय करतो. या रीलवर लिहिलेले कॅप्शन आहे: "जेव्हा विराट कोहली म्हणाला की त्याच्या डाउनफॉलमध्ये फक्त अनुष्का शर्मानेच त्याला सपोर्ट केला."

अनुष्काने दिली दाद; इंटरनेटच्या प्रतिक्रिया

हा रील इंटरनेटवर त्वरित व्हायरल झाला आणि चाहत्यांच्या प्रतिक्रियांचा पाऊस पडू लागला. 'अनुष्का शर्माने हा व्हिडिओ लाईक केला' हे कळताच चाहत्यांचा आनंद द्विगुणित झाला. अनेकांनी अंदाज लावला की, अनुष्काने हा रील नक्कीच विराटला दाखवला असणार!

इंटरनेटवर आलेल्या काही मजेदार प्रतिक्रिया

एका युजरने लिहिले, "धोकेबाज हो आप कोहली भाई." दुसऱ्या एका चाहत्याने थेट अनुष्काला टॅग करून लिहिले, "अनुष्का, तुमच्या पतीला सांगा की मी सुद्धा त्याच्यासोबत होतो!" यावरून स्पष्ट होते की, विराटच्या चाहत्यांनी केवळ त्याला साथ दिली नाही, तर त्याच्या वैयक्तिक आयुष्यातील वक्तव्यांवरही ते भावनिकरित्या जोडलेले आहेत.