गोव्यात झालेल्या 53 व्या आंतरराष्ट्रीय चित्रपट महोत्सवात (IFFI 2022) ज्युरी प्रमुख नदव लॅपिड यांनी 'द काश्मीर फाइल्स' या चित्रपटावर केलेल्या वादग्रस्त टिप्पणीमुळे नवा वाद निर्माण झाला आहे.  इस्रायली चित्रपट निर्माते नदाव लॅपिड (Nadav Lapid) यांनी विवेक अग्निहोत्रीच्या 'द काश्मीर फाइल्स' या चित्रपटाला "प्रोपगेंडा म्हटले आहे. यामुळे अनेक सिनेकरांसह राजकीय नेत्यांनीही तीव्र प्रतिक्रीया सोशल मिडियावर केल्या आहेत.

त्यांच्या या वक्तव्यानंतर बॉलिवूडमधील सर्व सेलिब्रिटी तीव्र प्रतिक्रीया दिल्या आहेत. या चित्रपटात महत्त्वाची भूमिका साकारणारे अभिनेते अनुपम खेर यांनी आता पुन्हा एकदा ट्विटरवर एक व्हिडिओ शेअर करून इस्रायली चित्रपट निर्मात्याचा निषेध केला आहे.

अनुपम खेर (Anupam Kher) यांनी ट्विटरवर (Twitter) शेअर केलेल्या आपल्या व्हिडिओमध्ये (Video) म्हटले आहे की, “मित्रांनो, काही लोकांना सत्य जसे आहे तसे पाहण्याची आणि दाखवण्याची सवय नसते. त्यांचा आवडता सुगंध, आवडती चव, लेप, सजावट आणि त्यावर त्यांचा आवडता रंग पाहण्याची त्यांना सवय होते. काश्मीरचे सत्य त्यांच्या पचनी पडत नाही. त्याला रंगीबेरंगी आनंदी चष्म्यांसह दिसावे आणि दाखवावे अशी त्यांची इच्छा आहे. 

दरम्यान 'द कश्मीर फाइल्स' (The Kashmir Files) वर टिका केल्यावर बॉलीवूड (Bollywood) अनुपम खेर यांनी ट्विट करून आपली प्रतिक्रिया व्यक्त केली आहे. त्यांनी आपल्या ट्विटमध्ये लिहिले- "झूठ का कद कितना भी ऊंचा क्यों न हो, सत्य के मुकाबले में हमेशा छोटा ही होता है" यासोबतच त्यांनी 'द काश्मीर फाइल्स' चित्रपटातील त्याचे फोटोही शेअर केले आहेत.