Alia Bhatt's Due Date: आलिया भट्ट आणि रणबीर कपूर (Ranbir Kapoor) हे कपल लवकरच आई-बाबा बनणार आहेत. मुंबईच्या गोरेगाव भागातील एच. ए. रिलायन्स रूग्णालयात आलिया-रणबीरच्या बाळाचा जन्म होणार आहे. त्यासाठी आलियाची या रिलायन्स फाऊंडेशनच्या रूग्णालयात प्रसृतीसाठी नोंदणीदेखील केली गेली आहे.

तिच्या नावाने रूग्णालयात एक रूमही बूक केली गेली आहे. आलियाला डॉक्टरांनी नोव्हेंबर महिन्याच्या अखेरीस ते डिसेंबरच्या पहिल्या आठवड्यातील ड्यु डेट दिल्याचे समजते. दरम्यान, बाळाच्या जन्मानंतर आलिया कामापासून एक मोठा ब्रेक घेण्याची शक्यता वर्तवली जात आहे. जवळपास एक वर्षभर ती कामापासून दूर राहिल.

नुकतेच रणबीर आणि आलियाने एका मुलाखतीत सांगितले होते की, त्यांनी त्यांच्या बाळासाठी सर्व तयारी केली आहे. एका बाळासाठी गरजेच्या ज्या वस्तू आहेत, त्या सर्वांची व्यवस्था केली गेली आहे. एक रूमदेखील तयार केली गेली आहे.

या कपलने याचवर्षी 14 एप्रिल रोजी ठराविक नातेवाईकांच्या उपस्थितीत लग्न केले होते. 2017 मध्ये 'ब्रह्मास्त्र' चित्रपटाच्या सेटवर दोघांची पहिली भेट झाली होती. तेव्हापासून दोघे एकमेकांना डेट करत होते.

हे वर्ष आलियासाठी महत्वाचे ठरले आहे. तिने 'गंगुबाई काठियावाडी' आणि 'डार्लिंग्ज' सारखे चित्रपट यावर्षात दिले. आलियाने प्रेग्नन्सी काळातही काम केले आहे. हॉलीवूडच्या 'हार्ट ऑफ स्टोन'चे शुटिंग तिने याच काळात पुर्ण केले. या चित्रपटात तिच्यासोबत अभिनेत्री गेल गॅडॉट देखील आहे. नंतर 'डार्लिंग्ज'च्या प्रमोशनमध्येही ती दिसली होती. आगामी काळात आलिया रणवीर सिंगसोबत 'रॉकी और राणी की प्रेम कहानी' या चित्रपटात दिसणार आहे.