Alia Bhatt: सध्या बॉलीवूडमधील अनेक कलाकार हे वेगवेगळे चित्रपटांतून प्रेक्षकांच्या भेटीला येत आहेत. स्पाय चित्रपट मनोरंजन सृष्टीत धमाल करत आहेत. शाहरुख खानच्या 'पठाण 2' चित्रपटाचे शूटिंग लवकरच सुरू होणार आहे. 'टायगर विरुद्ध पठाण'चे अपडेटही आले आहे. आता बॉलीवूडची लाडकी अभिनेत्री आलिया भट्टच्या चित्रपटाबाबत मोठ्या अपडेटस समोर येताना दिसत आहे.

आदित्य चोप्राच्या गुप्तचर चित्रपटात आलिया भट्ट आणि शर्वरी वाघ दिसणार आहेत. मिळालेल्या माहितीनुसार, आलिया भट्ट आणि शर्वरी वाघ यांच्या आगामी स्पाय-थ्रिलरचा संबंध शाहरुख खानच्या 'पठाण' चित्रपटाशी असू शकतो. शाहरुख खान-सलमान खान 'पठाण' आणि 'टायगर 3' मध्ये स्क्रीन शेअर करताना दिसले होते.

आलिया भट्ट आणि शाहरुख खान यांनी 2016 मध्ये एकत्र 'डियर जिंदगी' केला होता. लोकांनाही त्यांची जोडी खूप आवडली. रिपोर्ट्सनुसार, आलियाचा हा चित्रपट जासूस विश्वातील 'पठाण'शी जोडला जाऊ शकतो. त्यासाठी अनेक प्रकारच्या कल्पनांवर काम सुरू आहे. 'पठाण 2'मध्ये आलिया आणि शर्वरी वाघ यांची भूमिका दाखवण्यात येणार असून, तसे झाल्यास आलिया भट्टच्या चित्रपटात शाहरुख खानचा कॅमिओ असू शकतो, असे मानले जात आहे. 'पठाण 2'मध्ये आलियाचाही कॅमिओ असू शकतो.

'बॉलीवूड हंगामा' ने दिलेल्या माहितीनुसार, 'पठाण 2' आधी शूट होणार आहे. 'टायगर व्हर्सेस पठाण'चे शूटिंग पूर्ण झाल्यानंतरच सुरू होणार आहे. 'टायगर विरुद्ध पठाण' 2026 मध्ये फ्लोरवर जाण्याची शक्यता आहे. त्याचे शूट शेड्यूल 100 दिवसांपेक्षा जास्त असेल.

दरम्यान, आलिया भट्टने नुकतेच तिच्या आगामी 'जिगरा' चित्रपटाचे शूटिंग पूर्ण केले आहे. आलियाने तिच्या सोशल मीडिया हँडलवर वेदांग रैनासोबतचे काही फोटो शेअर केले आहेत. वासन बालाच्या दिग्दर्शनाखाली असलेला हा चित्रपट आलियाच्या इटर्नल सनशाइन प्रॉडक्शन आणि करण जोहरच्या धर्मा प्रोडक्शनने बनवला आहे. तो 27 सप्टेंबर 2024 रोजी थिएटरमध्ये प्रदर्शित होणार आहे. दरम्यान, आलियाने निर्मित केलेली 'पोचर' ही दुसरी वेब सीरीज आहे, जी 23 फेब्रुवारीला ॲमेझॉन प्राइम व्हिडिओवर प्रदर्शित झाली आहे. आता शाहरुख आणि आलिया पुन्हा एकत्र प्रेक्षकांचे मनोरंजन करणार का हे पाहणे महत्वाचे ठरणार आहे.