बॉलिवूडचे नवविवाहित जोडपे आलिया भट्ट आणि रणबीर कपूर यांच्या लग्नाला एक महिना पूर्ण झाला आहे. 14 एप्रिल 2022 रोजी दोघांनी लग्नगाठ बांधली. आलिया भट्टने पती रणबीर कपूरसोबतचे रोमँटिक फोटो शेयर केले आहेत. (Alia Bhatt shares romantic photos with Ranbir Kapoor on Instagram)

आलिया भट्टने इंस्टाग्रामवर तीन फोटो शेयर केले आहेत. पहिल्या फोटोत तीने लाल रंगाच्या ड्रेस घातला आहे. दुसऱ्या छायाचित्रात रणबीर आलियाला हातात धरून बसलेले दिसत आहे. तिसरा फोटो लग्नानंतरच्या रिसेप्शन पार्टीचा आहे. दोघांच्या फोटोंना चाहत्यांची पसंती मिळत आहे. चाहते त्याचे अभिनंदन करत आहेत.

साधेपणाने केले लग्न
आलिया आणि रणबीर कपूर यांनी गेल्या महिन्यात अतिशय साध्या पद्धतीने लग्न केले. दोघांनी लग्नासाठी कोणतेही डेस्टिनेशन निवडले नाही, तर लग्नासाठी त्यांच्या घराची वास्तू निवडली. या लग्नाला कपूर आणि भट्ट कुटुंबाने हजेरी लावली होती. आलिया भट्टचा वेडिंग लूकही अतिशय साधा होता. आलिया भट्टने लेहेंग्याऐवजी हाताने पेंट केलेली केशरी रंगाची साडी नेसली होती.

दोघेही 'या' चित्रपटांच्या शूटिंगमध्ये व्यस्त
आलिया भट्ट करण जोहर, धर्मेंद्र, रणवीर सिंग, शबाना आझमी आणि जया बच्चन स्टारर 'रॉकी और रानी की प्रेम कहानी' च्या शूटिंगमध्ये व्यस्त आहे. या चित्रपटात ती रणवीर सिंगसोबत दिसणार आहे. या चित्रपटाशिवाय आलिया भट्ट कतरिना कैफ आणि प्रियांका चोप्रासोबत 'जी ले जरा' या चित्रपटात काम करताना दिसणार आहे. त्याचवेळी रणबीर कपूर त्याच्या आगामी 'एनिमल' चित्रपटाच्या शूटिंगमध्ये व्यस्त आहे. या चित्रपटात त्याच्यासोबत रश्मिका मंदान्ना दिसणार आहे. या चित्रपटाशिवाय रणबीर कपूर वाणी कपूर आणि संजय दत्तसोबत 'शमशेरा' चित्रपटात काम करताना दिसणार आहे.