Ajay Devgn Viral Video: अजय देवगणसाठी यावेळीचा वाढदिवस खूप खास होता . एकीकडे भोलाच्या कमाईत थोडीशी उडी होती, तर दुसरीकडे अभिनेत्याने त्याचा 54 वा वाढदिवस त्याच्या चाहत्यांसोबत साजरा केला.

'सिंघम' अभिनेता अजय देवगणने रविवारी चाहत्यांमध्ये आपली उपस्थिती अनुभवली. मात्र याचदरम्यान एका चाहत्याने त्याच्यासोबत असं कृत्य केलं की, अजयच्या रागाचा पारा चढला

खरं तर, अजय देवगणला वाढदिवसाच्या शुभेच्छा देण्यासाठी त्याच्या घराबाहेर चाहत्यांची गर्दी जमली होती. तो घराबाहेर पडताच चाहत्यांनी त्याला घेरले. सर्व चाहते अजय देवगणसोबत फोटो क्लिक करण्यासाठी उत्सुक होते.

अजयने सर्वांसोबत सेल्फी काढले, पण त्याच दरम्यान एकाने असे काही केले की त्यामुळे अजय संतापला. खरंतर त्या चाहत्याने अजय देवगणचा हात धरला होता. त्याने एका हाताने अजयचा हात धरला आणि दुसऱ्या हाताने फोटो क्लिक करायला सुरुवात केली.

हे पाहून अजय देवगण संतापला. त्याने कसेतरी स्वतःवर नियंत्रण ठेवले आणि आपले हात सोडवले, पण त्याच्या चेहऱ्यावर रागाचे भाव स्पष्ट दिसत होते.

अजय देवगणच्या भोलाने थिएटरमध्ये तीन दिवसांत जवळपास 30 कोटींचा व्यवसाय केला आहे. या चित्रपटातील त्याच्या अभिनयाला प्रेक्षकांची दाद मिळत आहे. त्याचबरोबर 'भोला' नंतर अजय देवगणचा पुढचा चित्रपट 'मैदान' असणार आहे. 

त्याचे पोस्टर शेअर करण्यात आले आहे. बोनी कपूर यांच्या चित्रपटात अजय देवगण फुटबॉल प्रशिक्षकाच्या भूमिकेत दिसणार आहे. तो सय्यद अब्दुल रहीमची भूमिका साकारताना दिसणार आहे.