अभिनेते जॅकी श्रॉफ यांना त्यांचे सगळे फॅन्स सोशल मिडीयावर पर्यावरण वाचवण्याचा संदेश देताना पाहत असतात. अगदी एखाद्या सार्वजनिक कार्यक्रमात जातानाही त्यांच्या हातात एखादं रोपटं असतंच.

आज जागतिक पर्यावरण दिन त्यानिमित्त अभिनेते जॅकी श्रॉफ यांनी लोकांना पर्यावरण वाचवण्याचा संदेश दिला आणि वृक्षारोपणाची एक छोटीशी मोहिमही आखली होती.या कार्यक्रमातला एक व्हिडीओ सध्या सोशल मिडीयावर व्हायरल होत आहे, त्यात ते लोकांना पर्यावरण वाचवण्याचा संदेश देताना दिसतात.

पेड लगाओ भिडू

जागतिक पर्यावरण दिनानिमित्त, जॅकी श्रॉफ आमच्याशी झाडे लावण्यासाठी आणि त्यांची काळजी घेण्याच्या मोहिमेबद्दल सांगताना दिसले आणि त्यांना असे वाटते की आपण वनस्पतींना कुटुंबातील सदस्य मानले पाहिजे स्पायडर प्लांटचा हार घालण्यापासून आणि भेटवस्तू म्हणून रोपे घेऊन जाण्यापर्यंत त्यांनी उपस्थित लोकांना त्यांच्या स्टाईलमध्ये झाडे लावण्यास संदेश दिला आहे.

पेड लगाओ भिडू

जॅकी श्रॉफ या व्हिडीओत म्हणतात ' पेड लगाओ भिडू . सबका काम है पेड लगाना. नही लगाना तो मारो जल के'- . रोपांना पाणी देणे आणि जागतिक पर्यावरण दिनानिमित्त , जॅकी श्रॉफ ज्यांना सोशल मीडियावर कॅप्टन प्लॅनेट म्हटले जात आहे त्यांनी पर्यावरणाची काळजी घेणे आणि बऱ्याच गोष्टींबाबतीत संदेश दिला आहे.

व्हायरल व्हिडीओमध्ये म्हणतात

व्हिडिओमध्ये, वृक्षारोपण मोहिमेत मीडियाशी संवाद साधताना अभिनेते जॅकी श्रॉफ म्हणतात. “झाड लावून काही उपकार नाही केले,”. पुढे बोलताना ते म्हणतात की , “जी गोष्ट आपल्याला जीवंत ठेवते त्या गोष्टीला आपण जिवंत ठेवायला हवं . पण ही अक्कल मला जरा उशीरा आली. पूर्वी आपण खाल्लेल्या फळांच्या बिया जतन करायचो. जगभर प्रवास करत असतानाही, जर आम्हाला काहीतरी चांगलं दिसलं, तर आम्हाला ते स्वतः वाढवल्यासारखं वाटतं.

निसर्गाशी जोडण्याचा माझा मार्ग

लहानपणी आम्ही शाळेत झाडे लावायचो - ती झाडं आता मोठी झालेली पाहुन खूप बरं वाटतं. त्यामुळे ही गोष्टीचं शिक्षण सुरुवातीपासूनच होते. कधी कधी आपण त्यापासून दूर जातो इतकेच. शेती करणे, झाडे लावणे आणि संदेश पसरवणे यात मला आनंद मिळतो. निसर्गात अनवाणी उभे राहणे, माझ्या रोपांना पाणी देणे; निसर्गाशी जोडण्याचा हा माझा मार्ग आहे.”