लाल सिंग चड्ढाच्या (Laal Singh Chaddha) निर्मात्यांनी अखेर 'कहानी' गाण्याचा बहुप्रतिक्षित म्युझिक व्हिडिओ रिलीज केला. या गाण्याचे ऑडिओ व्हर्जन मोहनने गायले आहे तर गाण्याचा म्युझिक व्हिडिओ सोनू निगमने दिला आहे तसेच या गाण्याला देशभरातून प्रेम आणि दाद मिळात आहेत. एवढेच नाही तर 'कहानी' हे गाणे यावर्षी रिलीज झालेल्या सर्वाधिक ऐकल्या गेलेल्या गाण्यांपैकी एक आहे. व्हिडिओसह गाणे आणखी सुंदर आणि अर्थपूर्ण दिसते यात शंकाच नाही. या गाण्यात आमिर खानची (Amir Khan) वेगळी स्टाइल चाहत्यांना पाहायला मिळत आहे. (Laal Singh Chaddha Kahani Song Relese)

'कहानी' गाण्याचा व्हिडिओ हा हृदयस्पर्शी आहे. 'कहानी' या गाण्यात प्रीतम यांनी संगीत दिले असून अमिताभ भट्टाचार्य यांनी लिहिले आहे. हे गाणे रिलीज होताच सोशल मीडियावर प्रचंड व्हायरल झाले आहे. आमिर खानच्या या गाण्याला चाहत्यांकडून भरभरून प्रेम मिळत आहे. हे गाणे रिलीझ झाल्याच्या 24 तासांत इंटरनेटवरील सर्वात लोकप्रिय गाण्यांपैकी एक बनले आणि प्रभावी रेकॉर्ड देखील बनवत आहे.

आमिर खानने आपला आगामी चित्रपट लाल सिंग चड्ढा ची सर्व गाणी म्युझिक व्हिडिओशिवाय रिलीज केली होती जेणेकरून संगीतकार, गायक, गीतकार आणि तंत्रज्ञांना चर्चेमध्ये ठेवता येईल. स्टारने आत्तापर्यंत 'कहानी', ''मैं की करां?', 'फिर ना ऐसी रात आएगी' आणि 'तूर कलेयां' ऑडिओ आवृत्तीमध्ये रिलीज केली आहेत आणि निर्मात्यांनी पहिल्यांदाच याचा संगीत व्हिडिओ रिलीज केला आहे. लाल सिंग चड्ढा या चित्रपटात आमिर खानसोबत अभिनेत्री करीना कपूर मुख्य भूमिकेमध्ये दिसून येणार आहे.