दिग्दर्शक जेम्स कॅमेरुनच्या अवतार 2 या चित्रपटाने प्रेक्षकांवर चांगलीच मोहिनी घातली आहे. आतापर्यंत या चित्रपटाने 3 हजार कोटींपेक्षा जास्त कमाई केली आहे. 2009 साली आलेल्या अवतार या चित्रपटाचाच हा सिक्वेल असुन कमाईचा आकडा बघता भारतातही या चित्रपटाला चांगले यश मिळालेले दिसते.
या चित्रपटाची एक रंजक गोष्ट समोर आली आहे. या चित्रपटात 14 वर्षाच्या मुलीचे एक पात्र आहे. पण प्रत्यक्षात हे पात्र 73 वर्षांच्या एका आजीने साकारले आहे.अभिनेत्री सिगोर्नी वीवर यांनी हे पात्र साकारलं आहे.
दिग्दर्शक जेम्स कॅमेरुन यांनी यासाठी एका 73 वर्षीय अभिनेत्रीची निवड का केली? चला पाहुया. अवतार 2 मध्ये जॅक आणि नेतीरी या दाम्पत्याला चार मुलं आहेत. यापैकी तीन त्यांची स्वत:ची मुलं आहेत तर किरी नावाची एक मुलगी त्यांनी दत्तक घेतली आहे. याच मुलीचं पात्र 73 वर्षीय अभिनेत्री सिगोर्नी वीवर यांनी साकारले आहे.
अवतार चित्रपट ज्या तंत्रज्ञानाचा वापर करुन शुट केला आहे त्या तंत्रज्ञानाला परफॉर्मन्स कॅप्चर असं म्हटलं जातं.यात इमोशन कॅप्चर होतातच पण त्याचबरोबर चेहऱ्याचे हावभावही व्यक्त होतात ;आणि त्यामुळेच दिग्दर्शक जेम्स कॅमेरुनला अशा कलाकाराची गरज होती जी 14 वर्षाच्या मुलीचे हावभाव योग्य पद्धतीने दाखवु शकेल आणि मग अभिनेत्री सिगोर्नी वीवर यांच्या रुपाने हा शोध पुर्ण झाला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.