बॉलिवूड मधील सलमान खान (Salman khan) आणि कतरिना कैफचा बहुप्रतिक्षित चित्रपट टायगर 3 (Tiger 3) चा टीझर व्हिडिओ समोर आला आहे. सलमान आणि कतरिनाचे चाहते या चित्रपटाची आतुरतेने वाट पाहत आहेत तसेच 15 ऑगस्ट रोजी रिलीज झालेल्या या चित्रपटाचा टीझर सोशल मीडियावर लगेचच व्हायरल झाला. (10 years later Salman Khan Katrina Kaif chemistry will be seen again in Tiger 3)

एक था टायगर या चित्रपटाच्या पहिल्या भागानंतर हा तिसरा सिक्वेल 10 वर्षांनंतर प्रदर्शित होणार आहे चला तर मग, सलमान आणि कतरिनाच्या चित्रपटाची पहिली झलक पाहूयात. चित्रपटाच्या टीझर व्हिडीओसोबत रिलीज डेट देखील समोर आली आहे.

पुढील वर्षी 21 एप्रिल रोजी हा चित्रपट चित्रपटगृहात प्रदर्शित होणार आहे तसेच या चित्रपटात कतरिना आणि सलमान पुन्हा एकदा अॅक्शन मोडमध्ये दिसून येणार आहेत आणि जे पाहण्यासाठी चाहते आतुर झाले आहेत.

सलमानच्या 'एक था टायगर' या चित्रपटाचा पहिला भाग 2012 साली प्रदर्शित झाला होता आणि त्यानंतर पाच वर्षांनी 'टायगर जिंदा है' 2017 मध्ये रिलीज झाला, जो दुसरा सिक्वेल होता. आता तब्बल 10 आणि पाच वर्षांच्या कालावधीनंतर तिसऱ्या सिक्वेलने येताच सोशल मीडियावर खळबळ उडवून दिली आहे.