Maharashtra: महाराष्ट्रात सध्या वेगवेगळ्या कारणांवरुन वाद सुरु आहेत. त्याचबरोबर, जेव्हापासून शिवसेना ठाकरे आणि शिंदे अशा दोन गटात विभागली गेली आहे ,तेव्हापासून आरोप प्रत्यारोप वाढताना दिसत आहे. सध्या हिवाळी अधिवेशन सुरु झाले आहे. अधिवेशनात सीमाप्रश्नाच्या मुद्द्यावर जारदार चर्चा झाली.

दरम्यान, अधिवेशनाच्या आधी चंद्रशेखर बावनकुळे यांनी केलेल्या विधानावर आधारित आता शिवसेनेने टीका केली आहे. आमचे पुढचे मुख्यमंत्री तुम्हीच अर्थात देंवेंद्र फडणवीस ( Devendra Fadnvis ) हेच आमचे मुख्यमंत्री असे चंद्रशेखर बावनकुळे यांनी म्हटले आहे. त्यांच्या या विधानानंतर शिवसेनेने म्हटले आहे की भाजपचे लोक सरकार आणि शिंदे यांच्या बाजूने लढत असल्याचं दाखवत आहेत, पण ते केवळ आव आणत आहेत. त्याचबरोबर, चंद्रशेखर बावनकुळे हे फडणवीसनिष्ठ आहेत. त्यामुळे ते फडणवीसांच्या मंजुरीशिवाय ते कसकाय मुख्यमंत्रीपदाबाबत बोलू शकतील, असा प्रश्न उपस्थित करण्यात आला आहे . शिंदे गटाचा वापर करुन भाजप सत्ता करु इच्छीत आहे. फेब्रुवारीपर्यत खूप गोष्टी बदलतील असेही शिवसेनेनेही सामनाच्या मुखपत्रात भाजप ( BJP ) वर टीका करताना म्हटले आहे .

काही दिवसांपूर्वीच शिवसेना खासदार संजय राऊत यांनी सरकार फेब्रुवारी महिला पाहू शकणार नाही, असं म्हटलं होतं. आता हे भाकित खरे होणार का , शिंदे गट आणि भाजपचे युतीचे सरकार टिकणार की पडणार हे पाहणए महत्वाचे ठरणार आहे.