बुलढाणा जिल्ह्यातील चिखली गावात शिवसेनेचा शेतकरी मेळावा आयोजित करण्यात आला होता. या मेळाव्यात महाराष्ट्राचे माजी मुख्यमंत्री उद्धव ठाकरे बोलत होते. उद्धव ठाकरेंनी मुख्यमंत्री एकनाथ शिंदे आणि भाजपवर टीका केली. ठाकरेंनी महाराष्ट्रासह देशातील राजकारणावर देखील भाष्य केले. जाणून घेऊया उद्धव ठाकरेंच्या भाषणातील महत्वाचे मुद्दे.

- आज काही जण 40 रेडे घेऊन गुवाहाटीला गेले आहेत. 40 रेडे मी नाही म्हटलं, त्यांच्याच मंत्र्याने म्हटले आहे. मी मुख्यमंत्री झाल्यानंतर शिवतिर्थावरच शपथ घेतली. आमची कुलस्वामीनीचं दर्शन घेतलं आणि त्यानंतर आयोध्येला गेलो होतो. हे आज तिकडे गेलेत नवस फेडायला.

- गुजरात निवडणुकीसाठी उद्योग तिकडे पाठवताहेत. काल कर्नाटकचे मुख्यमंत्री आपल्या राज्यातला गावांवर हक्क सांगताहेत. पुढल्या वर्षी कर्नाटकची निवडणूक उद्या भाजप महाराष्ट्राचे तुकडे करतील. मिंधे गप्प बसतील.

- छत्रपतींचा वारंवार अपमान करायचा. मी मुख्यमंत्री असतांना राज्यपालांचा आगाऊ पणा सहन केला नाही. काळ्या टोपीने अनेकदा अपमान केला.

- खोके सरकार गादीवर आले आणि पनवती सुरु झाली. कसला नवस फेडता आणि शेतकरी दुर्लक्षित. अन्नदाता शेतकरी विचारतो खायच काय? पंतप्रधान म्हणतात मी दोन तीन किलो शिव्या खातो. तुमच ठिक आहे शिव्या खाऊन जगता पण शेतकऱ्यांचे काय?

- एका व्हिडिओत मुख्यमंत्री शेतात रमले आहेत. हेलिकॉप्टरने शेतात जाणारा दुसरा मुख्यमंत्री दाखवा आणि दहा लाख मिळवा. चिखल तुडवत जाणारे शेतकरी, कधीतरी डीपी जळते. हा मुख्यमंत्री हेलिकॉप्टरने जातो.

- शिवसेनेने काँग्रेससोबत जाऊन हिंदुत्व सोडलं असे म्हणतात, मग भाजपने पीडीपीसोबत जाऊन काय केले? काँग्रेस भारत माता की जय म्हणते. मुफ्ती म्हणतात का वंदे मातरम आणि भारत माता की जय?