मागील काही दिवसांपासून काश्मीरमध्ये काश्मिरी पंडितांच्या हत्येचे प्रकार घडले आहेत. परिणामी अनेक काश्मिरी पंडितांचे पलायन सुरू झाले आहे. अनेक राजकीय नेत्यांनी यावर प्रतिक्रिया दिली आहे. (Uddhav Thackeray Kashmiri Pandit)

महाराष्ट्राचे मुख्यमंत्री उद्धव ठाकरे यांनी देखील खोऱ्यातील या परिस्थितीबाबत चिंता व्यक्त केली. ते म्हणाले, “कश्मीर खोऱ्यात कश्मिरी पंडितांचे अक्षरश: शिरकाण सुरू आहे. त्यांना घरवापसीची स्वप्ने दाखविली गेली, पण घरवापसी तर दूरच उलट तेथील पंडितांना वेचून वेचून मारले जात आहे. या भयानक परिस्थितीत पंडितांचे मोठ्या प्रमाणावर पलायन सुरू झाले, ही धक्कादायक तितकीच अस्वस्थ करणारी घटना आहे. याक्षणी शिवसेना पक्षप्रमुख आणि महाराष्ट्राचा मुख्यमंत्री म्हणून मी इतकंच वचन देऊ शकतो की, या कठीण काळात काश्मिरी पंडितांच्या मागे महाराष्ट्र ठामपणे उभा राहील.”

ठाकरे पुढे म्हणाले, "महाराष्ट्राने कश्मिरी पंडितांसोबत कायमच संवेदनशील नाते जपले आहे."
केंद्र सरकारने परिस्थितीचा आढावा घेऊन काश्मिरी पंडितांना संरक्षण द्यावे, अशी मागणी देशभरातून होत आहे.