चंद्रपूर: येथे काँग्रेस (Congress) खासदार बाळू धानोरकरांच्या घरी चोरीचा प्रयत्न झाल्याची माहिती समोर आली आहे. यानंतर पोलिस यंत्रणा तातडीने कमाला लागली. त्यांनी या प्रकरणात तिघांना अठक केली आहे.

चोरट्यांनी खासदाराच्या बंगल्याच्या मुख्य दाराचे कुलूप तोडून आत प्रवेश केला. चोरीच्या हेतूने घरात घुसलेल्या चोरांच्या हाती काहीही लागले नाही. परिणामी संतापलेल्या चोरांनी बंगल्यातील वस्तूंची नासधूस केली, अशी माहिती पोलिसांनी दिली आहे.

धानोरकरांच्या घरी चोरीचा प्रयत्न झाल्याने पोलिस यंत्रणा खडबडून जागी झाली आहे. या प्रकरणात तिघांना अटक करण्यात आली असून त्यांनी याआधी दोन घरफोड्या केल्याची कबुली दिली आहे. बंगल्यामधील सीसीटीव्हीच्या आधारे पोलिसांना चोरांना पकडण्यात यश आले. या बंगल्यामध्ये कोणातेही मौल्यवान साहित्य नसल्याने चोरांचा हाती काहीही लागले नाही. मात्र चोरांनी बंगल्यात फार नासधूस केली आहे.