राज्यातील प्रशासकिय अधिकाऱ्यांना मुख्यमंत्री उध्दव ठाकरे (Uddhav Thackaray) यांनी मोठा दिलासा दिला आहे. सध्या शासकिय सेवेमध्ये असलेल्या 'गट क' आणि 'गट ड' कर्मचाऱ्यांचे निधन झाल्यास त्यांच्या कुटुंबातील पात्र सदस्यांना अनुकंपा तत्वावर सरकारी नोकरी देण्यात येते. आज पार पडलेल्या मंत्रिमंडळाच्या बैठकिमध्ये 'गट अ' आणि 'गट ब' मधील अधिकाऱ्यांच्या बाबतीत हे अनुकंपाचे धोरण लागू करण्यासंबंधी निर्णय घेण्यात आला आहे.

दरम्यान कोरोना (Coronavirus) काळात राज्यात बऱ्याच शासकिय अधिकाऱ्यांचे निधन झाले असून अधिकारी संघटनेने राज्यात अनुकंपा धोरण लागू करण्याची मागणी केली होती. अधिकाऱ्यांच्या मागणीप्रमाणे मुख्यमंत्री उध्दव ठाकरे यांनी कार्यवाही करण्याच्या सूचना दिल्या होत्या. त्या अनुषंगाने अनुकंपा धोरणाचा प्रस्ताव आजच्या मंत्रिमंडऴाच्या बैठकित मांडण्यात आला. या निर्णयामुळे राज्यातील अधिकाऱ्यांच्या मृत्यूमुळे त्यांच्या कुटुंबावर ओढावणाऱ्या आर्थिक परिस्थितीमधून दिलासा दिलासा मिळणार आहे.

तसेच, गट अ किंवा गट ब मधील अधिकाऱ्यांचा मृत्यू झाल्यास त्यांच्या कुटुंबामधील पात्र सदस्यास अनुकंपा तत्वावर गट क किंवा गट ड मधील नोकरी देण्यात येईल असा निर्णय आज राज्याच्या मंत्रिमंडळात हा निर्णय घेण्यात आला आहे. याशिवाय अनुकंपा नियुक्तीसाठी आदेश एकत्रित करत महाराष्ट्र राज्य शासन अनुकंपा नियुक्ती नियम 2021 तयार करण्यास मान्यता देण्यात आली आहे. यामुळे आता अनुकंपा संदर्भातील प्रशासकिय अडचणी दूर होणार असल्याचे सांगण्यात येत आहे.