Student Attacks Teacher with Knife at Mira Road:

काशिमिरा येथे गुरुवारी दुपारी एका 17 वर्षीय मुलाने कोचिंग क्लासच्या शिक्षकावर चाकूने वार केले. त्यानंतर स्व:ता पोलिसांसमोर हजर झाला. या गुन्ह्याचा संपूर्ण प्रकार सीसीटीव्ही कॅमेऱ्यात (CCTV Camera) कैद झाला आहे.

शिक्षकाने मुलाला अभ्यासावर लक्ष देण्यास सांगितले होते. त्या रागातून मुलाने शिक्षकावर हल्ला केला.

पोलिसांनी दिलेल्या माहितीनुसार, ही घटना मीरा रोडच्या (Mira Road) पेणकरपाडा भागातील एका जनरल स्टोअरच्या बाहेर रविवारी दुपारी दीडच्या सुमारास घडली.

राजू उमाशंकर ठाकूर (२६) असे पीडित शिक्षकाचे नाव असून तो जवळच्या सुप्रभात चाळीमध्ये कोचिंग क्लास चालवतात.

ठाकूर हे काही स्थानिकांसोबत बोलत होते, त्यावेळी आरोपीने चाकू घेऊन त्याच्या पोटात वार केले. त्यानंतर त्याने काशिमीरा पोलीस ठाण्यात आत्मसमर्पण केले.

ठाकूर यांना तातडीने जवळच्या रुग्णालयात दाखल करण्यात आले असून त्यांची प्रकृती चिंताजनक असल्याचे सांगण्यात येत आहे.

"हल्‍ल्‍यामागील नेमका हेतू अद्याप कळू शकला नसला तरी, प्रथमदर्शनी तपासात असे दिसून आले आहे की हल्लेखोर आणि पीडित यांच्यामध्ये काही जुने वाद होते आणि त्यामधूनच हा प्रकार घडला असल्याचे," असे तपास अधिकारी म्हणाले.

कोचिंग क्लास चालवणाऱ्या ठाकूरने विद्यार्थ्याला वर्गात मारले होते का? याचाही तपास पोलीस करत आहेत. दोघांमध्ये वाद झाला कारण ठाकूरने मुलाला "त्याच्या अभ्यासावर लक्ष देत नसल्याबद्द आणि सारखे विद्यार्थिनींशी जवळीक करतो म्हणून रागावले होते.

शिक्षक ठाकूर यांनी एका विद्यार्थ्याला आरोपी मुलाशी संपर्क टळायला आणि अभ्यासावर लक्ष केंद्रित करण्यास सांगितले होते, ज्यामुळे अल्पवयीन हल्लेखोर चिडला.

पोलिसांनी अल्पवयीन मुलाविरुद्ध आरोप निश्चित केलेले नाहीत आणि हल्ल्यात वापरलेला चाकू जप्त करण्यात आला आहे.