मुंबई : महाराष्ट्रात अन्नधान्याच्या वाढत्या किंमती, भडकलेले इंधनदर, वाढलेल्या खाद्य तेलाच्या किंमती, यामूळे दिवसें -दिवस कोलमडत असलेलं सामान्य नागरिकांचे अर्थिक गणित, सामान्य नागरीकांच्या समस्यांचे उपाय शोधण्यापेक्षा लोकप्रतिनिधी एकमेकांवर आरोप -प्रत्यारोप करत आहेत. कारण चिखलफेक करणे त्यांना सर्वात महत्त्वाचं वाटतं. याच पार्श्वभूमीवर शिवसेनेने आपलं मुखपत्र असणाऱ्या सामनातून भाजपवर पलटवार केला आहे.(shiv sena criticize bjp)

सामनातून पलटवार करताना “संसदेत श्रीरामाच्या नावाने शपथ घेणाऱ्यांना या बाईने विरोध केला होता. त्याच बाई आज ‘हनुमान चालिसा’ वगैरे विषयांवर हिंदुत्वाची पिपाणी वाजवतात व समस्त भाजपा नाच्या पोरांसारखा त्या बाईच्या इशाऱ्यावर नाचतो हे आश्चर्यच आहे,” अशा कठोर शब्दांमध्ये नवनीत राणा प्रकरणावरुन भाजपवर शिवसेनेनं निशाणा साधला आहे.

या टीकेला कठोरपणे उत्तर देत. भाजप प्रवक्ते केशव उपाध्ये यांनी शिवसेनेच्या टीकेवर भाष्य करताना राष्ट्रवादीचे नेते संदर्भ देत . “रोज सकाळी सकाळी राष्ट्रवादीच्या तालावर शिवसेनेचा नेता माध्यमांसमोर नाचत असतो. भाजपाच्या नावानं शिमगा करायचा हा एककलमी कार्यक्रम मालकांनी दिला असून त्यांना खुश करण्यासाठी प्रयत्न करत असतो. भाजपा नेते किरीट सोमय्या यांच्यावरील दगडफेकीचं समर्थन करताना जर भविष्यात खरोखरच भ्रष्टाचारी नेत्यांवर कुणी दगडफेक, चप्पला फेकल्या तरी निषेध करू नये म्हणजे झाले,” असं उपाध्ये यांनी म्हटलंय.

असे असले तरी गेले कित्येक दिवस महाराष्ट्रात सुरु असलेलं आरोप - प्रत्यारोप नाट्य संपणार का ? याकडे सामान्य नागरीकांचे लक्ष लागून राहीलेलं आहे. कारण कोणता नेता काय आरोप करतो याऐवजी माझ्या दैनंदिन समस्या संपतील का ? हे महत्त्वाचं सामान्यांना महत्त्वाचं वाटतं.