Nagnath Kottapalle Death News: ज्येष्ठ लेखक डॉ. नागनाथ कोत्तापल्ले यांचं पुण्यात निधन झालं आहे. पुण्यातील दीनानाथ रुग्णालयात त्यांनी अखेरचा श्वास घेतला. कोत्तापल्ले 74 वर्षांचे होते. कथा, कादंबरी आणि समीक्षा अशा विविध अंगानी नागनाथ कोत्तापल्ले यांनी मराठीत लेखन केलं आहे.

दरम्यान, चिपळूण येथे झालेल्या अखिल भारतीय मराठी साहित्य संमेलनाचे ते अध्यक्ष होते. त्याचबरोबर त्यांनी सावित्रीबाई फुले विद्यापीठाच्या मराठी विभागाचे विभागप्रमुख म्हणून देखील अनेक वर्षे काम केलं. मात्र गेल्या काही महिन्यांपासून ते फुफ्फुसाच्या कर्करोगाशी झुंजत होते. त्यांच्यावर पुण्यातील दीनानाथ मंगेशकर रुग्णालयात (Hospital) उपचार सुरु होते. मात्र त्यांची प्रकृती खालावत गेली आणि अखेर त्यांचं निधन झालं.

तसेच, नांदेड जिल्ह्यातील मुखेडमध्ये डॉ. नागनाथ कोत्तापल्ले यांचा जन्म झाला होता. त्यांनी अत्यंत खडतर परिस्थितीतून आपले शिक्षण पूर्ण केले. शालेय शिक्षण पूर्ण झाल्यानंतर त्यांनी देगलूर येथील महाविद्यालयातून (Colleges) पदवी घेतली. नंतर एम. ए. त्यांनी मराठवाडा विद्यापीठातून पूर्ण केले. विशेष म्हणजे, पीएचडी त्यांनी शंकर पाटील यांच्या साहित्यावर केली होती.

नागनाथ कोत्तापल्ले यांचा कथासंग्रह:

• कर्फ्यू आणि इतर कथा

• संदर्भ

• राजधानी

• रक्त आणि पाऊस

• कवीची गोष्ट

• देवाचे डोळे